Dinamalar

படம் இயக்க தயாராகிறார் ஹரியின் மகன்

தமிழ் சினிமாவின் பிரபலமான இயக்குனர் ஹரி. சாமி, சிங்கம் படங்களின் மூலம் புகழ் பெற்றவர். அருண் விஜய் நடிப்பில் 'யானை' படத்தை இயக்கியவர் தற்போது விஷால் நடிக்கும் 'ரத்னம்' படத்தை இயக்கி வருகிறார். நடிகர் விஜயகுமார் மகளும், நடிகையுமான ப்ரீத்தாவை திருமணம் செய்து கொண்டார். இவர்களுக்கு 3 குழந்தைகள் உள்ளனர்.

இவர்களில் மூத்தவர் ஸ்ரீராம் ஹரி தந்தையை போலவே சினிமா இயக்கத்தில் ஆர்வம் கொண்டவர். அதற்கான பயிற்சி எடுத்து வந்தார். இந்த நிலையில் அவா 'ஹம்' என்ற குறும்படத்தின் மூலம் இயக்குனராகி இருக்கிறார். அதோடு அதில் நடித்தும் உள்ளார். ஒரு மணி நேரம் ஓடும் இந்தப் படம் யு-டியூப்பில் வெளியாகி உள்ளது. சஞ்சய்ராஜ் ஒளிப்பதிவு செய்துள்ளார். சாம் கார்மெலஸ் இசையமைத்து உள்ளார்.

படம் பற்றி ஸ்ரீராம் ஹரி கூறும்போது “இந்த படம் மட்டுமல்ல இன்னும் சில குறும்படங்களை இயக்கி இருக்கிறேன். பெரிய படம் பண்ணலாம் என்று நினைத்து உருவாக்கியதுதான் 'ஹம்'. இதனை பைலட் பிலிம் என்றும் சொல்லலாம். இது என்ன ஜானர் படம் என்று கேட்டால் என்னால் பதில் சொல்ல முடியாது. இன்றைய இளைஞர்களின் மனநிலையை சொல்ல வேண்டும் என்பதற்காக உருவாக்கப்பட்ட படம் இது. இந்த படத்தை திரைப்படமாக்கும் முயற்சியை மேற்கொண்டுள்ளேன்'' என்றார்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்