விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் | நான்கு மொழிகளில் ரீமேக்காகும் ஹிட் தொடர் | அந்தமானுக்கு ஹனிமூன் சென்ற சுவாசிகா - பிரேம் ஜாக்கப் |
சிவா இயக்கத்தில் சூர்யா நடிப்பில் உருவாகி வரும் படம் 'கங்குவா'. வரலாற்று பின்னணி கொண்ட கதையாக இந்த படம் உருவாகி வருகிறது. இந்த படத்தின் படப்பிடிப்பு பெருமளவில் முடிந்துவிட்ட நிலையில் இன்னொரு பக்கம் படத்தில் அதிகம் இடம் பெறக்கூடிய விஎப்எக்ஸ் காட்சிகளுக்கான பணிகளும் நடைபெற்று வருகின்றன. சமீபத்தில் இந்த படத்தில் இருந்து ஒரு கிளிம்ப்ஸ் வீடியோ ஒன்று வெளியானது. இந்த வீடியோ விஎப்எக்ஸ் காட்சிகளுக்காக பரவலாக பாராட்டப்பட்டு வருகிறது. குறிப்பாக இதில் இடம்பெற்றுள்ள புலி சம்பந்தப்பட்ட காட்சி ரசிகர்களை வியப்பில் ஆழ்த்தியுள்ளது.
இந்த நிலையில் தயாரிப்பாளரும், கங்குவா படக்குழுவினருடன் இணைந்து செயல்படுபவருமான தயாரிப்பாளர் தனஞ்செயன் இது குறித்து கூறும்போது, “இந்த புலி சம்பந்தப்பட்ட காட்சி முழுவதுமே விஎப்எக்ஸ்-ல் உருவாக்கப்படவில்லை. புலிமுருகன் படத்தில் மேற்கொள்ளப்பட்டது போல நிஜமான புலியை, அதன் அசைவுகளை தத்ரூபமாக படம் பிடித்து அதை வைத்து விஎப்எக்ஸ் பணிகளை மேற்கொண்டதால் தான் இந்த அளவிற்கு அது நிஜமானது போல அனைவரையும் கவர்ந்துள்ளது” என்று கூறியுள்ளார்.