Dinamalar

விஜயகாந்த் ஒரு திறமையான மாணவர் : நெகிழும் இயக்குனர் ஷாஜி கைலாஷ்

தமிழ் சினிமாவில் நடிகர்கள் ரஜினி, கமலுக்கு இணையாக முன்னணி நடிகராக கோலோச்சியவர் நடிகர் விஜயகாந்த். அதன்பிறகு அரசியலிலும் மிகப்பெரிய அளவில் ஏற்றம் கண்ட விஜயகாந்த், பின்னர் அவரது உடல்நல குறைபாடு காரணமாக கடந்த பல வருடங்களாக அவதிப்பட்டு வந்த நிலையில் நேற்று மரணத்தை தழுவினார். தமிழக மக்களும் அவருக்கு தங்களது அஞ்சலியை செலுத்தி வருகின்றனர். விஜயகாந்த்தை பொருத்தவரை எப்போதுமே புது முயற்சிகளுக்கு முதல் ஆளாக ஊக்கம் கொடுக்கக் கூடியவர் என்கிற பெயரை பெற்றவர்.

குறிப்பாக திரைப்படக்கல்லூரி மாணவர்களை தமிழ் திரையுலகம் பாராமுகம் காட்டி ஒதுக்கியபோது அவர்களது படங்களில் நடித்து அவர்களுக்கென சினிமாவில் ஒரு மிகப்பெரிய பாதையை போட்டு தந்தவர் விஜயகாந்த் தான். அதேபோல மலையாள திரை உலகில் இருந்து தமிழில் படம் இயக்குவதற்காக இயக்குனர் ஷாஜி கைலாஷ் தமிழ் சினிமாவுக்கு வந்தபோது தன்னுடைய சொந்த தயாரிப்பில் அவரை படம் இயக்க வைத்து தானே ஹீரோவாக நடித்தார் விஜயகாந்த். அந்தப் படம் தான் வாஞ்சிநாதன்.

அந்த படத்தில் விஜயகாந்த் உடன் பணியாற்றிய அனுபவம் குறித்து இயக்குனர் ஷாஜி கைலாஷ் தற்போது நெகிழ்ச்சியுடன் பகிர்ந்து கொண்டுள்ளார். இதுபற்றி அவர் கூறும்போது, “ஒரு உண்மையான மனிதன் நம்மை விட்டுக் போய்விட்டார் வாஞ்சிநாதன் படப்பிடிப்பின்போது அவர் உண்மையிலேயே மிகப்பெரிய இதயம் கொண்டவராக காட்சியளித்தார். அவர் ஒரு சூப்பர் ஸ்டார் என்பதையும் தாண்டி கொண்டாடப்பட வேண்டிய ஒரு நல்ல மனிதர். ஒரு நடிகர் என்பதையும் தாண்டி சினிமாவில் அவர் ஒரு நல்ல திறமையான மாணவர் என்று சொல்லலாம்.

வாஞ்சிநாதன் படப்பிடிப்பு தளத்தில் விஜயகாந்த் சாருடன் கழித்த ஒவ்வொரு நாளுமே உண்மையிலேயே அற்புதமாக இருந்தது. அவருடைய விருந்தோம்பல் தான் அனைத்திலுமே ஹைலைட்டாக இருக்கும். தமிழ் சினிமாவில் ஒரு முதல் இயக்குனராக நான் நுழைந்தாலும் எனக்கு மிகப்பெரிய அளவில் அவரது சொந்த சகோதரன் போல மரியாதை கொடுத்தார். அவரை இழந்து வாட்டும் அவரது குடும்பத்திற்கும் அவரது நண்பர்களுக்கும் எனது ஆழ்ந்த இரங்கல்கள்” என்று கூறியுள்ளார்.

• 
  'சர்பரோஸ்' 25ம் வருடத்தில் 2ம் பாகத்தை அறிவித்த அமீர்கான்
• 
  பய்யா ஜி: மனோஜ் பாஜ்பாயின் 100வது படம்
• 
  சல்மான்கானுக்கு ஜோடியாகும் ராஷ்மிகா மந்தனா
• 
  தீபிகா படுகோனேவை பிரிகிறாரா ரன்வீர் சிங் : பாலிவுட்டில் பரபரப்பு
• 
  அமிதாப் பச்சனுக்கு அடுத்து எனக்கு தான் : கங்கனா பெருமிதம்

• 
  உள்ளாட்சி தேர்தலை மையமாக வைத்து உருவாகி உள்ள ‛எலக்சன்'
• 
  நடிகை நவ்யா நாயரின் சென்னை நினைவுகள்
• 
  அஜித்திற்கு இப்படி ஒரு வினோத பிரச்சனை இருந்ததா ? சுந்தர்.சி கூறிய ஆச்சர்ய ...
• 
  குகைக்குள் விழுந்தவருக்கு பிஸ்கட்டால் மேக்கப் ; மஞ்சும்மேல் பாய்ஸ் ...
• 
  ஜிவி பிரகாஷ் - சைந்தவி பிரிவு: குடும்ப பிரச்னை காரணமா?