Dinamalar

‛லியோ' பைரசி தளங்களில் வெளியானது : படக்குழுவினர் அதிர்ச்சி

லோகேஷ் கனகராஜ் இயக்கத்தில் விஜய், திரிஷா, அர்ஜூன், சஞ்சய் தத் உள்ளிட்டோர் நடித்துள்ள ‛லியோ' படம் இன்று திரைக்கு வந்துள்ளது. தமிழகத்தில் 9மணிக்கு காட்சி இதன் முதல்காட்சி துவங்கியது. இந்தபடத்தின் முதல்காட்சி முடியும் முன்பே பைரசி தளங்களில் லியோ படம் வெளியாகி உள்ளது. இது படக்குழுவினரை அதிர்ச்சி அடைய செய்துள்ளது. தமிழகம் தவிர்த்து பிறமாநிலங்களிலும், வெளிநாடுகளிலும் ஏறக்குறைய இந்த படத்தின் ஓரிரு காட்சிகள் முடிவடைந்துவிட்டன. இதனால் அங்கிருந்து இந்த படம் பைரசி தளங்களில் வெளியாகி இருக்கலாம் என கூறப்படுகிறது.

முன்னதாக இந்த படத்தை தயாரித்துள்ள 7 ஸ்கிரீன் லலித், சென்னை ஐகோர்ட்டில் ஒரு வழக்கு தொடர்ந்து இருந்தார். அதில், லியோ படம் பல கோடி பட்ஜெட்டில் எடுக்கப்பட்டுள்ளது. இதை திருட்டுத்தனமாக இணையதளங்களில் வெளியானால் பெருத்த நஷ்டம் ஏற்படும் என்று கோர்ட்டில் தாக்கல் செய்யப்பட்டுள்ள மனுவில் கூறப்பட்டிருந்தது. இந்த வழக்கு நேற்று விசாரணைக்கு வந்தபோது, ‛‛மனுதாரர் பட்டியலிட்டுள்ள 1,246 இணையதளங்களில் லியோ திரைப்படத்தை சட்டவிரோதமாக வெளியிட தடை விதிக்கப்படுகிறது. இந்த இணையதளங்களில் லியோ படம் வெளியாவதை தடுக்க பி.எஸ்.என்.எல் உள்ளிட்ட இணையதள சேவை நிறுவனங்கள் தகுந்த நடவடிக்கை எடுக்க வேண்டும்'' என நீதிமன்றம் உத்தரவிட்டு இருந்தது.

இந்தச்சூழலில் படம் திருட்டுத்தனமாக வெளியாகி படக்குழுவினரை மட்டுமல்லாது ரசிகர்களையும் அதிர்ச்சி அடைய செய்துள்ளது. இதுதொடர்பான ஸ்கிரீன் ஷாட்களை ரசிகர்கள் சமூகவலைதளத்தில் பகிர்ந்து வருகின்றனர். மேலும் இதை பகிர வேண்டாம் என படக்குழுவினர் தரப்பிலும், ரசிகர்கள் தரப்பிலும் வேண்டுகோள் வைக்கப்பட்டு வருகுிறது.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா