புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! | மீண்டும் இணைந்த விஜய் தேவரகொண்டா - தில் ராஜூ | தள்ளிப்போகும் இந்தியன் 2 ... அதே தேதியை குறிவைக்கும் ராயன்? | விஜய் 69வது படத்தை தயாரிக்கும் யஷ் பட தயாரிப்பாளர்? | ‛மஞ்சும்மல் பாய்ஸ்' படம் தந்த பாடம்: நடிகர் சித்தார்த் அருண்பாண்டியன் |
பிரபல நடிகர் ஜெயராமின் மகனான காளிதாஸ் தமிழ் சினிமாவில் நலன் குமாரசாமியின் ஒரு பக்க கதை என்கிற படம் மூலமாக அறிமுகமானபோது அந்த படம் பல வருடங்களாக ரிலீஸ் ஆகாமல் இருந்த சமயத்தில் அறிமுகப்படமே இப்படியாக வேண்டுமா என்கிற பச்சாதாபம் அவர் மீது இருந்தது. ஆனால் அடுத்து வந்த சில வருடங்களில் நிலைமை அப்படியே மாறி காளிதாஸ் தற்போது தமிழில் இயக்குனர்களால் விரும்பப்படும் நடிகராக மாறிவிட்டார். குறிப்பாக பாவக்கதைகள் என்கிற ஆந்தாலஜி படத்தில் நடித்து பலரின் பாராட்டுகளை பெற்றவர், விக்ரம் படத்தில் கமலின் மகனாக நடித்து கவனம் பெற்றார்.
அதை தொடர்ந்து பா.ரஞ்சித்தின் நட்சத்திரம் நகர்கிறது படத்தில் கதாநாயகனாகவும் நடித்தார். தற்போது இந்தியன்-2 படத்தில் முக்கிய வேடத்தில் நடித்து வரும் காளிதாஸ், அடுத்ததாக தனுஷின் ஐம்பதாவது படத்திலும் இடம் பிடித்துள்ளார். தனுஷ் தானே இயக்கி நடிக்கும் அவரது ஐம்பதாவது படத்தின் அறிவிப்பு சமீபத்தில் வெளியாகி படப்பிடிப்பும் துவங்கியுள்ளது. இந்த நிலையில் படப்பிடிப்பு தளத்தில் கேரவனில் இருந்தபடி பின்னணியில் தனுஷின் புதுப்பேட்டை பாடல் ஒலிக்கும் ஒரு வீடியோ ஒன்றை வெளியிட்டு இந்த படத்தில் நடிப்பதை உறுதி செய்துள்ளார் காளிதாஸ் ஜெயராம்.