Dinamalar

சாமி சாமி பாடலுக்கு இனி ஆடப்போவதில்லை ; ராஷ்மிகா

ராஷ்மிகா மந்தனா நடிக்கும் படங்களில் எல்லாம் பெரும்பாலும் அவருக்கு பெரிய அளவில் புகழை தேடி தருவது அவருக்கு அமையும் சூப்பர் ஹிட் பாடல்களும் அதில் அவர் ஆடி இருக்கும் நடனமும் தான். அந்த வகையில் குறுகிய காலகட்டத்திலேயே தென்னிந்திய அளவில் முன்னணி நடிகையாக மாறிவிட்ட ராஷ்மிகா, தற்போது பாலிவுட்டிலும் நுழைந்து படங்களில் நடித்து வருகிறார். அதேசமயம் கடந்த 2021ல் வெளியான புஷ்பா படத்தில் கதாநாயகியாக நடித்த ராஷ்மிகா அந்த படத்தில் ஆடிய சாமி சாமி பாடல் மற்றும் அந்த பாடலுக்கு அவர் கொடுத்திருந்த வித்தியாசமான நடன அசைவுகள் ரசிகர்கள் மத்தியில் மிகப்பெரிய வரவேற்பு பெற்றன.

அவர் எந்த விழாக்களுக்கு சென்றாலும் அங்கே அந்த பாடலுக்கு சில நிமிடங்களாவது, குறிப்பாக அந்த வித்தியாசமான நடன அசைவுகளுடன் அவரை ஆடச்சொல்லி கேட்பது வழக்கமாக இருந்து வருகிறது. இந்த நிலையில் தற்போது ரசிகர்களுடன் சோஷியல் மீடியாவில் உரையாடிய ராஷ்மிகாவிடம் ரசிகர் ஒருவர் நான் உங்களை நேரில் சந்திக்கும்போது நீங்கள் என்னுடன் சேர்ந்து சாமி சாமி பாடலுக்கு ஸ்டெப்ஸ் போட வேண்டும் என்று தனது விருப்பத்தை தெரிவித்தார்.

அதற்கு பதிலளித்த ராஷ்மிகா, “இந்த பாடலுக்கு போதும் போதும் என்கிற அளவிற்கு பலமுறை ஆடிவிட்டேன். இனிமேல் இந்த பாடலுக்கு ஆடப்போவதில்லை என முடிவு செய்துள்ளேன். ஆனால் ஒருவேளை உங்களை நான் நேரில் சந்திக்கும்போது வேறு ஏதாவது விஷயங்களை பண்ணுவோம்” என்று பதில் அளித்துள்ளார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா