Dinamalar

அமெரிக்க முன்பதிவில் பின் தங்கும் 'வாரிசு, துணிவு'

2023 பொங்கலை முன்னிட்டு தமிழில் விஜய் நடித்துள்ள 'வாரிசு', அஜித் நடித்துள்ள 'துணிவு' மற்றும் தெலுங்கில் சிரஞ்சீவி நடித்துள்ள 'வால்டர் வீரய்யா', பாலகிருஷ்ணா நடித்துள்ள 'வீரசிம்ஹா ரெட்டி' ஆகிய படங்கள் வெளியாக உள்ளன.

அமெரிக்காவிலும் இந்த நான்கு படங்களும் அதிக அளவிலான தியேட்டர்களில் வெளியாகின்றன. ஆனால், தமிழ்ப் படங்களான 'வாரிசு, துணிவு' ஆகிய படங்களை விட தெலுங்குப் படங்களான 'வால்டர் வீரய்யா, வீரசிம்ஹா ரெட்டி' ஆகிய படங்களின் முன்பதிவு அதிக அளவில் நடந்து வருகிறது.

பிரிமீயர் காட்சிகளைப் பொறுத்தவரையில் 'வீரசிம்ஹா ரெட்டி' படத்திற்கான முன்பதிவு 3 லட்சம் அமெரிக்க டாலர்களையும், 'வால்டர் வீரய்யா' முன்பதிவு 2 லட்சம் அமெரிக்க டாலர்களையும், 'துணிவு' முன்பதிவு 50 ஆயிரம் அமெரிக்க டாலர்களையும், 'வாரிசு' முன்பதிவு 40 ஆயிரம் அமெரிக்க டாலர்களையும் கடந்துள்ளது.

'வாரிசு' படத்தின் வெளியீட்டுத் தேதி திடீரென மாற்றப்பட்டதால் அதன் முன்பதிவு பின்தங்கி விட்டதாகச் சொல்கிறார்கள். பிரிமீயர் காட்சிகளுக்கு முன்கூட்டியே தியேட்டர்களை ஒப்பந்தம் செய்ய வேண்டுமாம். தேதி மாற்றப்பட்டதால் 'வாரிசு' பட முன்பதிவில் குழப்பம் ஏற்பட்டு அது பின்னடைவைச் சந்தித்துள்ளது.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்