Dinamalar

'கோல்டன் குளோப்' போட்டியில் 'ஆர்ஆர்ஆர்' : சினிமா பிரபலங்கள் வாழ்த்து

ராஜமவுலி இயக்கத்தில், கீரவாணி இசையமைப்பில், ஜுனியர் என்டிஆர், ராம் சரண், ஆலியா பட் மற்றும் பலர் நடித்து தெலுங்கில் தயாராகி, பான் இந்தியா படமாக வெளிவந்து 1000 கோடிக்கும் அதிகமான வசூலை அள்ளிய படம் 'ஆர்ஆர்ஆர்'.

ஆஸ்கர் விருதுகளுக்கான போட்டியில் இப்படம் நேரடியாகக் களமிறங்கியுள்ளது. இதனிடையே, ஆஸ்கர் விருதுகளுக்கு முன்பாக அமெரிக்காவில் வழங்கப்படும் பிரபலமான 'கோல்டன் குளோப்' விருதுகளுக்காக 'ஆர்ஆர்ஆர்' படம் இரண்டு பிரிவுகளில் 'நாமினேட்' ஆகியுள்ளது.

ஆங்கிலம் அல்லாத மொழிகளில் சிறந்த படத்திற்கான நாமினேஷன் மற்றும் சிறந்த ஒரிஜனல் பாடலுக்கான (நாட்டு.. நாட்டு…) நாமினேஷனிலும் பங்கேற்கிறது. இது பற்றி அறிவிப்பை அந்த விருதுக் குழுவினர் அறிவித்துள்ளனர்.

'ஆர்ஆர்ஆர்' படம் 'கோல்டல் குளோப்' விருதுக்கான போட்டியில் களமிறங்கியுள்ளதால் படக்குழுவினரும், தெலுங்குத் திரையுலகத்தினரும், மற்ற மொழி சினிமா பிரபலங்களும் மகிழ்ச்சியடைந்துள்ளனர்.

படத்தின் இயக்குனர் ராஜமவுலி, “கோல்டன் குளோப் விருதுக்காக ஆர்ஆர்ஆர் படத்தை இரண்டு பிரிவுகளில் நாமினேஷன் செய்துள்ள தேர்வுக் குழுவுக்கு நன்றி, மொத்த குழுவினருக்கும் எனது பாராட்டுக்கள். தொடர்ந்து ஆதரவையும், அன்பையும் அளித்து வரும் ரசிகர்களுக்கும், பார்வையாளர்களுக்கும் நன்றி” என டுவீட் செய்துள்ளார்.

இசையமைப்பாளர் ஏஆர் ரஹ்மான், நடிகர் பிரபாஸ் உள்ளிட்ட பல சினிமா பிரபலங்கள் அவர்களது வாழ்த்துகளை இயக்குனர் ராஜமவுலிக்கும் படக்குழுவினருக்கும் தெரிவித்துள்ளார்கள்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்