Dinamalar

நவம்பர் 4 வெளியீடுகளுக்கு மிரட்டல் தரும் மழை

தீபாவளிக்குப் பிறகு இரண்டு வார இடைவெளியில் பல புதிய படங்கள் வெளிவருவது வழக்கம். அது போல இந்த வார வெள்ளிக்கிழமையில் சில மீடியம் பட்ஜெட் படங்கள் வெளியாக உள்ளன. 'கோமாளி' படத்தை இயக்கிய பிரதீப் ரங்கநாதன் இயக்கி, நாயகனாக அறிமுகமாகும் 'லவ் டுடே', அசோக் செல்வன் மற்றும் மூன்று கதாநாயகிகள் நடிக்கும் படமாக வெளிவரும் 'நித்தம் ஒரு வானம்', சுந்தர் சி இயக்கத்தில் மல்டி மீடியம் ஸ்டார்களான ஜீவா, ஜெய், ஸ்ரீகாந்த் மற்றும் நான்கைந்து கிளாமர் கதாநாயகிகள் நடிக்கும் 'காபி வித் காதல்' ஆகிய நேரடிப் படங்கள் வெளியாக உள்ளன. இவற்றோடு 'ஒன் வே' என்ற தமிழ்ப் படமும் வெளியாவதாக அறிவிக்கப்பட்டுள்ளது.

கன்னடத்திலிருந்து தமிழிலும் டப்பிங் ஆகி பான் இந்தியா படமாக வெளிவர உள்ள 'பனாரஸ்' படமும் வெளியாக உள்ளது. இன்று முதல் தமிழகத்தின் பல்வேறு பகுதிகளில் வட கிழக்குப் பருவ மழை ஆரம்பமாகியுள்ளது. வரும் நவம்பர் 4ம் தேதி வரை மழையின் தீவிரம் இருக்கும் என வானிலை முன்னறிவிப்புகள் தெரிவிக்கின்றன.

இந்நிலையில் இன்று முதலே மழை ஆரம்பமாகி உள்ளதால் ஏற்கெனவே வெளியாகியுள்ள படங்களுக்கு முன்பதிவுகள் மிகவும் மோசமாக உள்ளது. கன மழை பெய்தால் காட்சிகள் நடைபெறாமல் போகவும் வாய்ப்புகள் உண்டு. இதனால், வரும் நவம்பர் 4ம் தேதி வெளியாக உள்ள படங்களுக்கு மழையின் காரணமாக எதிர்பார்த்தபடி முன்பதிவு நடைபெறுமா என்ற அச்சத்தில் அப்படக்குழுவினர் உள்ளனர். மழை பெய்தாலும் சினிமா பார்ப்போம் என்ற தீவிர ரசிகர்கள் வந்தால் மட்டுமே அப்படங்களுக்கு சுமாரான முன்பதிவு நடக்கும்.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...