Dinamalar

கார்த்தியின் 'சர்தார்' பட விழாவில் நாகார்ஜுனா

தீபாவளியை முன்னிட்டு இந்த வருடம் கார்த்தி நடிக்கும் 'சர்தார்', சிவகார்த்திகேயன் நடிக்கும் 'பிரின்ஸ்' ஆகிய படங்கள் நாளை மறுதினம் அக்டோபர் 21ம் தேதி வெளியாக உள்ளன. தமிழில் உருவாகியுள்ள இந்த இரண்டு படங்களும் தெலுங்கிலும் டப்பிங் ஆகி அதே பெயரில், அதே தினத்தில் வெளியாகின்றன.

'பிரின்ஸ்' படத்தை தெலுங்கு இயக்குனரான அனுதீப் இயக்கி உள்ளார். தெலுங்கு படத்திற்கான வெளியீட்டிற்கு முந்தைய நிகழ்ச்சி நேற்று ஐதராபாத்தில் நடைபெற்றது. அதில் சிறப்பு விருந்தினராக தெலுங்கு நடிகர் விஜய் தேவரகொண்டா, இயக்குனர் ஹரிஷ் சங்கர் கலந்து கொண்டு சிறப்பித்தனர்.

இன்று 'சர்தார்' தெலுங்கு படத்திற்கான வெளியீட்டிற்கு முந்தைய நிகழ்வு இன்று ஐதராபாத்தில் நடைபெற உள்ளது. அதில் நடிகர் நாகார்ஜுனா சிறப்பு விருந்தினராகக் கலந்து கொண்டு சிறப்பிக்க உள்ளார். 'தோழா' படத்தில் நாகார்ஜுனா, கார்த்தி இருவரும் இணைந்து நடித்துள்ளனர்.

தமிழில் மோதிக் கொள்ளும் 'சர்தார், பிரின்ஸ்' படங்கள் தெலுங்கிலும் மோதிக் கொள்கின்றன. கார்த்திக்கு தெலுங்கில் ஏற்கெனவே நல்ல அறிமுகம் உண்டு. சிவகார்த்திகேயனின் சமீபத்திய படங்கள்தான் தெலுங்கில் டப்பிங் ஆகி வெளியாகின்றன. இரண்டு மொழிகளிலும் இந்தப் படங்கள் எப்படி வரவேற்பைப் பெறப் போகின்றன என்பதைப் பார்க்க ரசிகர்களும், திரையுலகினரும் ஆவலுடன் காத்திருக்கிறார்கள்.

• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது
• 
  ‛அங்கமாலி டைரீஸ்' பட இயக்குனரின் ஹிந்தி படத்திற்கு இசையமைக்கும் ஏ.ஆர் ...
• 
  மனநல தூதர் ஆனார் தீபிகா

• 
  அண்ணாமலைக்கு பிடித்த ‛இட்லி கடை'
• 
  'மகுடம்' படத்தை இயக்கும் விஷால்: வைரலாகும் புகைப்படங்கள்
• 
  மாதவனுடன் மோதும் நிமிஷா
• 
  கெனிஷாவின் இசை ஆல்பத்திற்காக பாடலாசிரியர் ஆனார் ரவி மோகன்
• 
  பிளாஷ்பேக் : பரப்பன அக்ரஹார சிறையில் தமிழ் படம்