Dinamalar

5 வருடங்களுக்குப் பிறகு மீண்டு(ம்) வந்த பத்மபிரியா

சேரன் இயக்கிய தவமாய் தவமிருந்து, பொக்கிஷம், பட்டியல், மிருகம் உட்பட பல படங்களில் நடித்தவர் பத்மபிரியா. இடையில் தமிழ், மலையாளம் இரண்டிலும் பத்மபிரியாவுக்கு வாய்ப்புகள் குறைந்ததால் நியூயார்க்குக்கு படிப்பதற்காக சென்றார். சென்ற இடத்தில் ஜாஸ்மின் ஷா என்பவரை காதலித்து திருமணம் செய்து கொண்டார். அதன்பிறகு 2017 வரை தொடர்ந்து சினிமாவில் நடித்தவர், கடந்த ஐந்து ஆண்டுகளாக சினிமாவை விட்டு ஒதுங்கியே இருந்தார். நடிகை ஒருவர் கடத்தப்பட்ட நிகழ்வைத் தொடர்ந்து நடிகர் திலீப்புக்கு எதிராக குரல் கொடுத்து, மலையாள நடிகர் சங்கத்திலிருந்து விலகிய நடிகைகளின் இவரும் ஒருவர். அதன்பிறகு தான் இவருக்கு பட வாய்ப்புகள் குறைந்ததாக சொல்லப்படுகிறது.

இந்த நிலையில் தமிழில் விக்ரம் நடிப்பில் வெளியாக உள்ள கோப்ரா திரைப்படத்தில் ஒரு முக்கிய கதாபாத்திரத்தில் நடித்துள்ளார் பத்மபிரியா. இன்னொரு பக்கம் மலையாளத்தில் பிஜுமேனன் கதாநாயகனாக நடித்துள்ள ஒரு தெக்கன் தள்ளு கேஸ் என்கிற படத்திலும் கதாநாயகியாக நடித்துள்ளார். தற்போது இந்த படத்தின் டிரைலர் ரிலீஸ் ஆகியுள்ள நிலையில், விரைவில் இந்த படமும் ரிலீஸ் ஆக இருக்கிறது. இந்த இரண்டு படங்களில் அவருக்கு கிடைக்கும் வரவேற்பை பொறுத்தே அவரது இந்த ரீ என்ட்ரி வெற்றிகரமாக தொடரும் என எதிர்பார்க்கலாம்.

• 
  149 நாட்கள் : வார் 2 படப்பிடிப்பை நிறைவு செய்த ஹிருத்திக் ரோஷன்
• 
  ‛ஆப் ஜெய்சா கோய்' படத்தில் என் கேரக்டர் சவாலானது : மாதவன்
• 
  தெலுங்கானாவில் ஸ்டுடியோ அமைக்க அஜய் தேவ்கன் ஆர்வம்
• 
  40 வயது ரன்வீர் சிங் ஜோடி 20 வயது சாரா : ரசிகர்கள் கமெண்ட்ஸ்
• 
  அஜித் தோவல் வேடத்தில் மாதவன்

• 
  22 ஆண்டுகளுக்கு முன்பு நடிகராக அறிமுகம் : இப்போது இயக்குனராக அறிமுகம்
• 
  மீண்டும் இலங்கைத் தமிழர் கதாபாத்திரத்தில் சசிகுமார் : மீண்டும் வெற்றி ...
• 
  நயன்தாரா, விக்னேஷ் சிவன் பிரிவா... உண்மையில் நடப்பது என்ன?
• 
  ‛ஐ லவ் யூ' சொன்ன சக மாணவன் : முதல் காதலை பகிர்ந்த அனுஷ்கா
• 
  ராஜமவுலி படத்தில் மகேஷ் பாபுவுக்கு அப்பாவாகும் மாதவன்