Dinamalar

மருத்துவமனையில் பாண்டியன் ஸ்டோர் ஹேமா - என்ன ஆச்சு?

சின்னத்திரை நடிகையான ஹேமா ராஜ்குமார் 'பாண்டியன் ஸ்டோர்ஸ்' தொடரில் மீனா என்கிற க்ரே ஷேட் ரோலில் அசத்தலாக நடித்து பிரபலமாகியுள்ளார். ஹேமா வெள்ளித்திரையில் சில படங்களில் நடித்திருந்தாலும் 'பாண்டியன் ஸ்டோர்ஸ்' தொடர் தான் அவருக்கு பெரிய பிரேக்கை தந்தது. சோஷியல் மீடியாவில் எப்போதும் ஆக்டிவாக இருக்கும் ஹேமாவுக்கு பாலோயர்களும் ஏராளமாக உள்ளனர். தற்போது ஹேமா ஹாஸ்பிட்டலில் சிகிச்சை எடுப்பது போல் ஒரு புகைப்படம் இணையத்தளத்தில் வெளியாகி வைரலாகி வருகிறது. இதனால் கவலையடைந்த ரசிகர்கள் அவருக்கு என்ன ஆயிற்று? என போன், டெக்ஸ்ட் செய்து விசாரித்துள்ளனர். எனவே, தன் ரசிகர்களின் கவலைக்கு பதில் அளிக்கும் வகையில் அண்மையில் ஒரு வீடியோ ஒன்றை அவர் வெளியிட்டுள்ளார்.

அதில், 'எனக்கு சில மாதங்களாக கழுத்துக்கு அருகில் ஒரு கட்டி இருந்தது. அது கேன்சர் கட்டியாக இருக்குமோ என்று பயந்து மருத்துவமனையில் பரிசோதனைகளை செய்தேன். அது சாதரண கட்டி தான். எனவே, சிறிய அறுவை சிகிச்சை மூலம் அதை தற்போது அகற்றிவிட்டர்கள். எனக்கு இப்போது எந்த பிரச்னையும் இல்லை. எனக்காக அன்புகாட்டும் ரசிகர்களுக்கு நன்றி' என்று கூறியுள்ளார். மேலும் பெண்கள் தங்கள் உடலில் இருக்கும் கட்டியை அலட்சியமாக எடுத்துக்கொள்ள வேண்டாம் என அட்வைஸும் செய்துள்ளார். அவர் நலமுடன் இருப்பது பற்றி தெரிந்த ரசிகர்கள் நிம்மதி பெருமூச்சு விட்டு, விரைவில் ஹேமா மருத்துவமனையில் இருந்து டிஸ்சார்ஜ் ஆக வேண்டும் என பிரார்த்தனை செய்து வருகின்றனர்.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  பார்த்தால் பசிதீரும், ஒரு அடார் லவ், சிவாஜி : ஞாயிறு திரைப்படங்கள்
• 
  அன்பே வா, அவள் வருவாளா, நம்ம வீட்டுப் பிள்ளை - ஞாயிறு திரைப்படங்கள்
• 
  ராமன் தேடிய சீதை, பாட்ஷா, குடும்பஸ்தன் - ஞாயிறு திரைப்படங்கள்
• 
  இதயக்கனி, அன்புள்ள ரஜினிகாந்த், போர் தொழில் - ஞாயிறு திரைப்படங்கள்
• 
  ஆபாச படத்தைக் காட்டி 2 கோடி கேட்டு மிரட்டிய நடிகை