Dinamalar

புஷ்பா - ஆபாச வசனக் காட்சி நீக்கம்?

சுகுமார் இயக்கத்தில், தேவிஸ்ரீபிரசாத் இசையமைப்பில், அல்லு அர்ஜுன், ராஷ்மிகா மந்தனா மற்றும் பலர் நடித்து இரு தினங்களுக்கு முன்பு வெளியான படம் 'புஷ்பா'.

இப்படத்தில் அல்லு அர்ஜுன், ராஷ்மிகா இடையிலான காதல் காட்சி ஒன்றில் ஆபாசமான வசனங்களும், சில செய்கையும் இடம் பெற்றுள்ளது. படத்தில் ஒரு காட்சியில் ராஷ்மிகா வீட்டிற்கருகில் ஒரு வேனில் இருவரும் அமர்ந்து காதல் செய்யும் காட்சி மிகவும் ஆபாசமாக உள்ளதாக ரசிகர்கள் பலரும் தெரிவித்துள்ளனர்.

'புஷ்பா' படத்தை குடும்பத்துடன் பார்க்க வரும் ரசிகர்களுக்கு அது வருத்தத்தை ஏற்படுத்தியுள்ளதாக தியேட்டர்காரர்களும் படக்குழுவினருக்கு தெரிவித்துள்ளார்களாம். அதனால், அந்த குறிப்பிட்ட காட்சியை நீக்கிவிட படக்குழு முடிவு செய்துள்ளதாக டோலிவுட் தகவல்கள் தெரிவிக்கின்றன.

ஏற்கெனவே படத்தில் சமந்தா இடம் பெறும் பாடல் ஒன்றும், ராஷ்மிகாவின் பாடல் ஒன்றும் ஆபாசமான ஆடையுடன் படமாக்கப்பட்டுள்ளது. அதில் சமந்தா பாடல் சர்ச்சையை ஏற்படுத்தியுள்ளது குறிப்பிடத்தக்கது. இப்படத்தில் இவற்றையெல்லாம் தவிர்த்திருக்கலாம் என விமர்சகர்களும் கருத்து தெரிவித்துள்ளார்கள்.

• இவரை பற்றி
• செய்திகள்
• ஆல்பம்