Dinamalar

தயாரிப்பாளர் எதிர்ப்பு, மாற்றப்பட்ட 'விக்ரம் வேதா' தலைப்பு

தமிழ் சினிமாவில் வெளிவந்த பல வெற்றிப் படங்களின், முக்கியமான படங்களின் தலைப்புகளை டிவி தொடர்களுக்கு பல காலமாய் வைத்து வருகிறார்கள். சினிமாவில் ஒரு தலைப்பை மற்றொருவர் பயன்படுத்த முடியாது. அதற்கனெ இருக்கும் சங்கங்களில் முறையாகப் பதிவு செய்ய வேண்டும். வருடா வருடம் அவற்றை புதுப்பிக்க வேண்டும் என பல நடைமுறைகள் உள்ளன.

ஆனால், பிரபலமான படங்களின் தலைப்புகளை டிவி தொடர்களுக்கு வைக்க அவை சம்பந்தப்பட்ட தயாரிப்பு நிறுவனங்களோ, அத்தொடர்களை ஒளிபரப்பும் டிவி நிறுவனங்களோ முறையான அனுமதியைப் பெறுவதில்லை. இதுவரையிலும் அதை யாரும் கண்டு கொண்டதுமில்லை.

இந்நிலையில் விஜய் டிவியில் 'விக்ரம் வேதா' என்ற புதிய தொடர் ஒன்று ஒளிபரப்பாக உள்ளதாக அறிவிப்பு வெளியானது. உடனடியாக அப்படத்தின் தயாரிப்பாளர் சசிகாந்த் சம்பந்தப்பட்ட நிறுவனத்திற்கு உடனடியாக சட்டபூர்வ நடவடிக்கை எடுப்பேன் என நோட்டீஸ் அனுப்பினார். அதைத் தொடர்ந்து அத் தொடரின் பெயரை 'மோதலும் காதலும், விக்ரம் வேதாவின் காதல் கதை' என மாற்றிவிட்டார்கள்.

சசிகாந்த் தயாரிப்பில், புஷ்கர் காயத்ரி இயக்கத்தில், மாதவன், விஜய் சேதுபதி மற்றும் பலர் நடித்து 2017ம் ஆண்டில் வெளிவந்து பெரும் வரவேற்பையும், வெற்றியையும் பெற்ற படம் 'விக்ரம் வேதா'.

இனி, யாராவது டிவி தொடர்களுக்கு பிரபலமான திரைப்படங்களின் பெயர்களை வைத்தால் அப்படங்களைத் தயாரித்த தயாரிப்பாளர்கள் இது போன்று நடவடிக்கை எடுக்க வேண்டும் என மூத்த தயாரிப்பாளர் ஒருவர் நம்மிடம் தெரிவித்தார்.

• 
  தோல்வி படத்துக்கு படக்குழுவிற்கு பார்ட்டி கொடுத்த ஆமிர்கான்
• 
  ரன்பீர் கபூருக்கு சூப்பர் ஸ்டார் பட்டம் கொடுத்தது ஏன்? - இயக்குனர் ...
• 
  'அனிமல்' முதல் நாள் வசூல் ரூ.116 கோடி என அறிவிப்பு
• 
  மறைந்த பிரதமர் இந்திரா உடன் உரையாடிய கங்கனா
• 
  சல்மான் கானுக்கு மீண்டும் கொலை மிரட்டல்

• 
  மாட்டுக்கார வேலன், கப்பலோட்டிய தமிழன், இது நம்ம பூமி, தெறி : ஞாயிறு ...
• 
  காதலியை கரம்பிடித்த குருவி தமிழ்செல்வன்
• 
  ‛மெட்டி ஒலி' தனத்தை ஞாபகம் இருக்கா?
• 
  சீரியலுக்குள் என்ட்ரி கொடுத்த விஜய் பட நடிகர்
• 
  ‛பப்லு' பிரித்விராஜை பிரிந்துவிட்டாரா ஷீத்தல்?