புலி ராகவேந்திரன் பதிவால் கடுப்பான ரசிகர்கள்

23 ஜூலை, 2022 - 12:29 IST

0 கருத்துகள் கருத்தைப் பதிவு செய்ய

எழுத்தின் அளவு:

விஜய் டிவியின் மூலம் சின்னத்திரையில் நடிகராக நுழைந்தவர் புலி ராகவேந்திரன். ஆனால், அவருக்கு திரைத்துறையில் சரிவர வாய்ப்புகள் எதுவும் கிடைக்கவில்லை. கடைசியாக 'காற்றுக்கென்ன வேலி' சீரியலில் நடித்துக் கொண்டிருந்த அவர் சம்பள பிரச்னை, அரசியல் செய்கிறார்கள் என சில காரணங்களை சொல்லி நடிப்பையே மொத்தமாக தலை முழுகுவதாக கூறி விலகினார்.

தொடர்ந்து அவர் அளித்த பேட்டியிலும் தான் சந்தித்த தோல்விகள் குறித்தும் பேசியிருந்தார். இந்நிலையில், சில தினங்களுக்கு முன் 'ஒரு தலை காதலால் உடம்பு போச்சு' என கையில் ட்ரிப்ஸ் ஏறும் வீடியோ ஒன்றை பகிர்ந்திருந்தார். இதனையடுத்து பலரும் அவருக்கு ஆறுதல் கூறி வந்தனர். அதில் சில பதிவுகளில் காதல் தோல்வியால் புலி ராகவேந்திரன் தற்கொலை முயற்சி என்ற தவறான செய்தியும் பரவியது.

இதற்கு பதிலளிக்கும் வகையில் புலி ராகவேந்திரன் புது வீடியோ ஒன்றை தற்போது வெளியிட்டுள்ளார். அதில், மன அழுத்தத்தால் எனக்கு உடல்நலம் பாதிக்கப்பட்டது உண்மை தான். ஆனால், நான் தற்கொலை முயற்சி எல்லாம் செய்யவில்லை. அந்த போஸ்ட்டையே நான் நண்பர்களுடன் ஜாலியாக பகிர்ந்து கொண்டது தான். எனவே, தவறான செய்திகளை பரப்பாதீர்கள்' என்று கூறியிருந்தார். இந்த வீடியோவை பார்க்கும் சில நெட்டீசன்கள் 'என்னது, ப்ரண்ட்ஸூக்காக ஜாலியா போஸ்ட் பண்ணியா? எதுல விளையாடனும் ஜாலியாக இருக்கனும்னு ஒரு விவஸ்தை வேண்டாமா?' என கடுப்பாகி திட்டி வருகின்றனர்.

Puliraghavendar

கருத்துகள் (0) கருத்தைப் பதிவு செய்ய

'சாமி இல்லேன்னா நான் கோமா தான்' : ...

நீங்களும் ஸ்டார் ஆகலாம் : ஜீ தமிழில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய