Dinamalar

நான் அவளில்லை: சோனியா அகர்வால் விளக்கம்

கடந்த சில நாட்களுக்கு முன்பு பெங்களூருவில் உள்ள கன்னட நடிகையான சோனியா அகர்வாலின் வீட்டில் அமலாக்கத்துறை அதிகாரிகள் போதை பொருள் சோதனை நடத்தினர். இந்த சோதனையில் 40 கிராம் கஞ்சா, 12 மது பாட்டில்கள் சிக்கின.


சமூக வலைத்தளங்களில், தமிழ் படங்களில் நடித்தவரும், செல்வராகவனின் முன்னாள் மனைவியுமான நடிகை சோனியா அகர்வால் வீட்டில் போதை பொருள் சோதனை நடந்ததாக தகவல் பரவியது. சமூக வலைத்தளங்களில் சோனியா அகர்வாலின் படத்துடன் இந்த தகவல் வைரல் ஆனது.


இந்த நிலையில் நான் அவளில்லை. என் மீது அவதூறு பரப்பியவர்கள் மீது சட்டப்படி நடவடிக்கை எடுப்பேன் என்று கூறியுள்ளார் சோனியா அகர்வால். இதுகுறித்து அவர் கூறியிருப்பதாவது: என்ன நடந்தது என்று தெரியாமலே, கிடைத்த தகவலை உறுதி செய்யாமலேயே பகிர்ந்து விடுகிறார்கள். பொதுவாக சமூக வலைதள வதந்திகளைப் பற்றி நான் கவலைப்படுவதில்லை என்றாலும் இது மிகவும் தீவிரமான ஒரு விஷயம். குறைந்தபட்சம் என்னை அழைத்தாவது உறுதி செய்திருக்க வேண்டும்.


என் மீது அவதூறு பரப்பியதற்காவும், தொலைபேசி அழைப்புகள் மற்றும் குறுந்தகவல்கள் மூலம் எனக்கும் என் குடும்பத்துக்கும் மன உளைச்சல் மற்றும் அதிர்ச்சியை ஏற்படுத்தியதற்காவும் சம்பந்தப்பட்டவர்கள் மீது சட்ட நடவடிக்கை எடுக்க இருக்கிறேன், என்கிறார் சோனியா அகர்வால்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்