Dinamalar

கடற்படை தளபதியாக நடிக்கும் ரகுமான்

முன்னாள் கடற்படை வீரர் பிராஷ் இயக்கத்தில் ரகுமான் நாயகனாக நடிக்கும் ஆபரேஷன் அரபைமா படத்தின் படப்பிடிப்பு நிறைவடைந்தது. இந்த படத்தில் ரகுமானுடன், டினி டாம், பாலாஜி, நாடோடிகள் அபிநயா, அனுப் சந்திரன், ஷிகாத், நேகா சக்ஸேனா, அர்விந்த், சஜி, மனிஷா, ரமேஷ் ஆறுமுகம், கௌரி லஷ்மி, மேபூ உள்பட பலர் நடித்திருக்கிறார்கள். ராகேஷ் பிரம்மானந்தன் இசை அமைத்திருக்கிறார். பீனிக்ஸ் உதயன் ஒளிப்பதிவு செய்திருக்கிறார்.

படப்பிடிப்பு முழுவதும் நிறைவடைந்து இப்போது இறுதிக்கட்ட பணிகள் நடந்துகொண்டிருக்கிறது. படம் பற்றி இயக்குனர் பிராஷ் கூறியதாவது: நம் நாட்டை அந்நிய ஆபத்துகள் சூழும் நேரங்களிலும், தீயவர்கள் நம் நாட்டிற்குள் கொடுஞ்செயல்கள் செய்யும் நோக்கத்துடன் நுழையும் நேரங்களிலும், நமது இராணுவ வீரர்கள் தங்கள் உயிரை துச்சமென மதித்து ஆபத்துகளிடம் இருந்தும் எதிரிகளிடம் இருந்தும் நம்மைக் காக்கின்றனர். அதற்காக பல ஆபரேஷன்களை நம்நாட்டு வீரர்கள் வெற்றிகரமான செய்திருக்கின்றனர்.

அப்படி நடுக்கடலில் நடந்த ஒரு உண்மையான இராணுவ ஆபரேஷனை தழுவி எடுக்கப்பட்ட படம் தான், ஆபரேஷன் அரபைமா. இந்த ஆபரேஷனை நடத்தும் கடற்படை தளபதியாக ரகுமான் நடித்திருக்கிறார். தமிழ்நாடு, கேரளா, அந்தமான், கோவா, துபாய் உள்பட பல இடங்களில், பல கடல்களில் படப்பிடிப்பு நடந்துள்ளது. தற்போது படப்பிடிப்புகள் முடிந்து மற்ற பணிகள் நடந்து வருகிறது. என்றார்.

• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'
• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு
• 
  நடிகைகளை வைத்து பாலியல் தொழில் : பாலிவுட் நடிகை கைது

• 
  எனக்கு நீதி வாங்கித் தாங்க : மாதம்பட்டி ரங்கராஜ் பற்றி முதல்வரிடம் ...
• 
  நடிகை காஜல் அகர்வால் குறித்து தீயாய் பரவும் வதந்தி
• 
  பராசக்தி படத்தில் ராணா நடிப்பதை உறுதிப்படுத்திய சிவகார்த்திகேயன்
• 
  மதராஸி - காந்தி கண்ணாடி படங்களின் மூன்று நாள் வசூல் எவ்வளவு?
• 
  அமீர்கான் படத்தை கைவிட்டாரா லோகேஷ் கனகராஜ்