Dinamalar

அவமானப்படுத்தினர் ; டிவி நிகழ்ச்சியிலிருந்து விலகுவதாக வனிதா அறிவிப்பு

பிரபல நடிகை வனிதா விஜயகுமார். நடித்த படங்கள் குறைவு என்றாலும் சர்ச்சைகளாலேயே மக்கள் மத்தியில் அதிகம் பிரபலமானார். கடந்தாண்டு கூட கொரோனா காலக்கட்டத்தில் மூன்றாவது திருமண சர்ச்சையில் சிக்கினார். பிக்பாஸ் நிகழ்ச்சிக்கு பின் டிவி நிகழ்ச்சிகளில் அதிகம் பங்கெடுத்து வருகிறார். விஜய் டிவியில் குக் வித் கோமாளி, கலக்கப்போவது யாரு போன்ற நிகழ்ச்சிகளில் பங்கேற்றார். சமீபத்தில் இந்த டிவியில் ஒளிபரப்பாகி வரும் பிக்பாஸ் ஜோடிகள் நிகழ்ச்சிகளில் பங்கேற்று வந்தார். இவருக்கு ஜோடியாக சுரேஷ் சக்ரவர்த்தி இருந்தார். இந்நிலையில் இந்த நிகழ்ச்சியிலிருந்து விலகுவதாக அறிவித்துள்ளார் வனிதா.

இதுதொடர்பாக அவர் வெளியிட்டுள்ள அறிக்கை : ‛‛பிக்பாஸ் ஜோடிகள் நிகழ்ச்சியில் காளி அவதாரத்திற்கு நிறைய பாராட்டுகள் கிடைத்தன. இதற்காக நன்றி தெரிவிக்கிறேன். இந்த நிகழ்ச்சியில் நான் வெளியேறுகிறேன். ஒருவர் கொடுமைப்படுத்தப்படுவதை நான் ஏற்க மாட்டேன். அது என் குடும்பத்தினராக இருந்தாலும் சரி. அது உலகத்துக்கே தெரியும். விஜய் டிவி என் குடும்பமாகிவிட்டது. எங்களுக்குள் நல்ல பரஸ்பர புரிதல் உண்டு. அது எப்போதும் தொடரும். ஆனால் வேலை செய்யும் இடத்தில் தொழில்முறை அல்லாத நெறிமுறையற்ற விஷயங்களை ஏற்க முடியாது.

என் தொழில் வளர்ச்சியை பொறுக்காத ஒருவரால் எனக்கு தொல்லை ஏற்பட்டது. என்னை அவமானப்படுத்தி, மோசமாக அவர் நடத்தினார். பெண்களும் பொறாமை கொண்டு மோசமாக நடந்து கொள்கிறார்கள். எங்கள் வாய்ப்புகளை அழிக்கிறார்கள். என்னை தொடர்ந்து படங்கள், டிவி நிகழ்ச்சிகளில் பார்க்கலாம். உழைத்து முன்னேறிய ஒரு மூத்த நபரை, முன்னேற துடிக்கும் இளைஞர்கள் கீழ்மையாக பார்ப்பதும், அவமானப்படுத்துவதும் வேதனையாக உள்ளது. குடும்பம், கணவர் ஆதரவு இன்றி மூன்று குழந்தைகளுக்கு தாயாக சாதிக்கும் என்னை இப்படி நடத்துகிறார்கள். பெண்கள் சக பெண்களுக்கு ஆதரவாக இருக்க வேண்டும். அவர்களின் வாழ்வை மோசமாக்க கூடாது. இந்த நிகழ்ச்சியிலிருந்து வெளியேறுவது வருத்தம். மற்ற போட்டியாளர்களுக்கு வாழ்த்துக்கள்.

சுரேஷ் சக்கவர்த்தி என்னை மன்னித்து விடுங்கள். என்னால் நீங்களும் இந்த போட்டியிலிருந்து விலக வேண்டியதாகிவிட்டது. நீங்கள் அருமையான ஜோடி. தொழில்முறையாக என் முடிவுக்கு நீங்கள் ஆதரவு தந்தீர்கள்.

இவ்வாறு வனிதா தெரிவித்துள்ளார்.

• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்
• 
  தமன்னா கை கழுவியதால் புதிய காதலில் விழுந்தாரா விஜய் வர்மா..?

• 
  கண்ணப்பா படத்தை இயக்க தெலுங்கு இயக்குனர்கள் முன் வரவில்லை : விஷ்ணு மஞ்சு ...
• 
  யோகி பாபு, ரவி மோகன் படம் ஆகஸ்ட்டில் துவக்கம்
• 
  விஜய் சேதுபதி, பூரி ஜெகந்நாத் படத்தின் படப்பிடிப்பு துவங்கியது
• 
  சாலைக்கு எம்.எஸ்.வி. பெயர் : முதல்வருக்கு நன்றி கூறி மகன் உருக்கம்
• 
  என் 5 படங்களின் கதைகளையும் முதலில் இந்த ஹீரோவிடம் தான் கூறினேன் : வெங்கி ...