Dinamalar

நடிகர் சங்க பதவியில் இருந்து விலகிய 'திரிஷ்யம்' பட நடிகை

மலையாள திரையுலகில் கடந்த வருடம் நடிகர் சங்கத்திற்கு நடைபெற்ற தேர்தலில் நடிகை ஸ்வேதா மேனன் தலைவர் பதவிக்கு போட்டியிட்டு வெற்றி பெற்றார். அதற்கு முந்தைய சங்கத்தில் பொறுப்பில் இருந்த பலரும் பாலியல் குற்றச்சாட்டுக்கு ஆளானதால் பெரும்பாலானோர் மீண்டும் புதிய நடிகர் சங்கத் தேர்தலில் போட்டியிடாமல் ஒதுங்கிக் கொண்டனர். அந்த வகையில் 'திரிஷ்யம்' படத்தில் மோகன்லாலின் மூத்த மகளாக நடித்த அன்சிபா ஹாசன், தேர்தல் நடப்பதற்கு முன்பாகவே இணைச் செயலாளராகப் போட்டியின்றி தேர்ந்தெடுக்கப்பட்டார்.

இந்த நிலையில் தற்போது அவர் தனது பதவியை ராஜினாமா செய்துள்ளார் என்கிற தகவலைச் சங்கத்தின் தலைவர் ஸ்வேதா மேனன் அதிகாரப்பூர்வமாக அறிவித்துள்ளார். தனது பணிச்சுமைகள் மற்றும் தனிப்பட்ட காரணங்களால் தான் இந்தப் பதவியில் இருந்து விலகுவதாக அன்சிபா ஹாசன் தெரிவித்துள்ளார். கடந்த பிப்ரவரி 21ம் தேதியே அன்சிபா ஹாசன் தனது ராஜினாமா கடிதத்தைச் சமர்ப்பித்து விட்டதாகவும், ஆனால் சமீபத்தில் கொச்சியில் நடைபெற்ற செயற்குழு கூட்டத்திற்குப் பிறகுதான் இது அதிகாரப்பூர்வமாக அறிவிக்கப்பட்டுள்ளது என்பதும் குறிப்பிடத்தக்கது.

• 
  லலித் மோடியின் பயோபிக்கில் நடிக்கிறாரா ரன்வீர் சிங்?
• 
  பிரபல பாலிவுட் நடிகரின் மனைவியிடம் 16 கோடி மோசடி
• 
  செவிலியர்களின் உடையில் மாற்றம் வேண்டும் : கங்கனா ரணாவத்
• 
  வெற்றியை தேடி ஓடாதீங்க... திறமையை மேம்படுத்துங்க : மனோஜ் பாஜ்பாய்
• 
  'திரிஷ்யம்-3' ஹிந்தி பதிப்பு மாறுபட்ட கதை: அஜய் தேவ்கன்

• 
  நடிகை கடத்தல் வழக்கு : மெமரி கார்டு விசாரணையில் இருந்து விலகிய நீதிபதி
• 
  'பெத்தி' படம் பார்க்க ஹைதராபாத் கிளம்பி வந்த ஜப்பானிய ரசிகைகள்
• 
  நடிகர் உன்னி முகுந்தன் புகாரின் பேரில் போதைப்பொருள் பயன்படுத்தியவர்கள் ...
• 
  ஓணம் பண்டிகைக்கு வெளியாகும் பெத்லகேம் குடும்ப யூனிட்
• 
  பிரபல மலையாள நடிகர் சலீம் குமார் மறைவு