Dinamalar

ஓடிடியில் கடுமையாக டிரோல் செய்யப்படும் 'தி ராஜா சாப்'

'பாகுபலி 2' படத்திற்குப் பிறகு பான் இந்தியா நடிகர் என்ற அந்தஸ்தைப் பெற்றார் தெலுங்கு நடிகரான பிரபாஸ். அதன்பிறகு அவர் நடித்து வெளிந்த 6 படங்களில் 2 படங்கள் மட்டுமே வெற்றி பெற்றது. இந்த சங்கராந்திக்கு அவர் நடித்து வெளிவந்த படம் 'தி ராஜா சாப்'. மாருதி இயக்கத்தில் தமன் இசையமைப்பில் மாளவிகா மோகனன், நிதி அகர்வால், ரித்தி குமார் இப்படத்தின் கதாநாயகிகளாக நடித்திருந்தனர். சுமார் 400 கோடிக்கும் அதிகமான பட்ஜெட்டில் தயாரான இந்தப் படம் 200 கோடிக்கும் சற்று கூடுதலாக மட்டுமே வசூலித்தது.

தமிழில் வெளிவந்த 'அரண்மனை, தில்லுக்கு துட்டு' ஆகிய படங்களின் கலவையாக இந்தப் படம் இருந்ததென இங்கு விமர்சனங்கள் வெளிவந்தன. ஒரு பான் இந்தியா ஹீரோவை வைத்து எப்படி இப்படி ஒரு படத்தை எடுத்தார்கள் என தெலுங்கிலும் விமர்சித்தார்கள். பொதுவாக பிரபாஸ் நடிக்கும் படம் என்றாலே விரும்பிப் பார்க்கும் ஹிந்தி ரசிகர்கள் கூட இந்தப் படத்தைக் கண்டுகொள்ளவில்லை.

இப்படம் நேற்று ஓடிடி தளத்தில் வெளியானது. படம் வெளிவந்த போதே கடுமையான விமர்சனங்களை சந்தித்த படம் தற்போது கடுமையான 'டிரோல்களை' சந்திக்க ஆரம்பித்துவிட்டது. படத்தின் காட்சிகள் பலவற்றைத் தனித்தனியாகப் பதிவிட்டு ரசிகர்கள் கிண்டலடிக்க ஆரம்பித்துவிட்டனர்.

இந்தப் படம் ஓடவில்லை என்றாலும் பிரபாஸ் கைவசம், 'பவுசி, ஸ்பிரிட், சலார் 2' ஆகிய படங்கள் உள்ளன.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  'சாரக்' படத்திற்கு தணிக்கை சான்று மறுப்பு
• 
  பாலிவுட் நடிகர் ரன்வீர் சிங்கிடம் 10 கோடி கேட்டு மிரட்டல்!
• 
  காக்டெய்ல் 2வில் லெஸ்பியன் வேடத்தில் நடிக்கும் ராஷ்மிகா
• 
  'கேரள ஸ்டோரி 2' படத்திற்கு கோர்ட் நோட்டீஸ்
• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...

• 
  வெங்கடேஷ் படத்திற்காக தெலுங்கில் நுழைந்த யோகி பாபு
• 
  தாய் கிழவி : நீண்ட இடைவெளிக்குப் பின்….
• 
  ஆஞ்சநேயர் பிறந்த ஊரில் பூஜையுடன் துவங்கிய 'ஜெய் ஹனுமான்'
• 
  தனுஷை குறிப்பிட்டு பேசிய சிவகார்த்திகேயன் : கொச்சியில் நடந்தது என்ன?
• 
  தயாரிப்பாளர்கள் சங்கத்துக்கு புது நிர்வாகிகள் : பல பிரச்னைகளுக்கு ...