மீண்டும் ரஜினியை இயக்குவது போன்று கமலையும் இயக்குவீர்களா? சுந்தர்.சி கொடுத்த பதில்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

11 நவ, 2025 - 05:59 IST

எழுத்தின் அளவு:

Will-you-direct-Kamal-again-like-you-did-Rajinikanth-Sundar.Cs-answer

ரஜினி நடிப்பில் 'அருணாச்சலம்' என்ற படத்தை இயக்கியவர் சுந்தர்.சி. இந்த நிலையில் 28 ஆண்டுகளுக்குப் பிறகு தற்போது மீண்டும் ரஜினி நடிக்கும் 173வது படத்தை இயக்கப் போகிறார். இந்த படத்தை கமல்ஹாசனின் ராஜ்கமல் பிலிம்ஸ் தயாரிக்கிறது. குடும்பப்பாங்கான காமெடி கலந்த கதையில் இப்படம் உருவாகிறது.

இந்த நிலையில் சுந்தர்.சி அளித்துள்ள ஒரு பேட்டியில், அருணாச்சலம் படத்தை அடுத்து மீண்டும் ரஜினியை இயக்கப் போகிறீர்கள். இதேபோன்று அன்பே சிவம் படத்தை அடுத்து கமல்ஹாசனையும் இயக்குவீர்களா? என்று கேட்கப்பட்ட கேள்விக்கு அவர் பதிலளிக்கையில், ''கமல்ஹாசனின் சலங்கை ஒலி படத்தை பார்த்த பிறகு தான் சினிமாக்கு வர விரும்பினேன். அதே போல் அவர் நடித்த 'மைக்கேல் மதன காமராஜன்' படத்தை பார்த்த பிறகு தான் திரைக்கதை எப்படி எழுத வேண்டும் என்பதை கற்றுக் கொண்டேன்.

அப்படி யாரால் சினிமாவுக்கு வந்தேனோ அதே கமல்ஹாசனை வைத்து 'அன்பே சிவம்' என்ற படத்தை இயக்கினேன். இப்போது அவரது தயாரிப்பில் ரஜினி நடிக்கும் 173வது படத்தை இயக்குகிறேன். இப்படி மீண்டும் ரஜினி படத்தை இயக்குவேன் என்று நான் எதிர்பார்க்கவில்லை. இது போன்று மீண்டும் கமலை வைத்து நான் படம் இயக்குவதற்கான வாய்ப்பு அமையலாம். அப்படி ஒரு வாய்ப்பு வரும்போது அந்த படத்தையும் மிகச் சிறப்பாக இயக்குவேன் என்று தெரிவித்திருக்கிறார் சுந்தர்.சி. மேலும், ரஜினி 173வது படத்தின் படப்பிடிப்பு 2026 மார்ச்சில் தொடங்கப்பட்டு 2027ம் ஆண்டு பொங்கல் பண்டிகைக்கு படத்தை வெளியிட திட்டமிட்டுள்ளார்கள்.

Thalaivar173

Rajinikanth

Sundar C

Kamalhaasan

கருத்துகள் (0) கருத்தைப் பதிவு செய்ய

நடிகர் அஜித் வீட்டிற்கு வெடிகுண்டு ...

தோட்டா தரணிக்கு செவாலியே விருது

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய