இயக்குனர் வேலு பிரபாகரன் காலமானார்

18 ஜூலை, 2025 - 10:25 IST

1 கருத்துகள் கருத்தைப் பதிவு செய்ய

எழுத்தின் அளவு:

கடவுள், நாளைய மனிதன் உள்ளிட்ட படங்களை இயக்கிய வேலு பிரபாகரன், 68 உடல்நலக் குறைவால் சென்னையில் காலமானார். கடந்த மாதம் இவருக்கு மாரடைப்பு ஏற்பட்ட நிலையில் பத்து நாட்களாக கொட்டிவாக்கத்தில் உள்ள தனியார் மருத்துவமனையில் சிகிச்சை பெற்று வந்தார். மருத்துவர்கள் சிகிச்சை அளித்து வந்தனர். இந்நிலையில் சிகிச்சை பலனின்றி இன்று(ஜூலை 18) காலை 5.30 மணிக்கு காலமானார்.

1989ம் ஆண்டு வெளியான ‛நாளைய மனிதன்' படத்தின் மூலம் இயக்குனராக அறிமுகமானார் வேலு பிரபாகரன். அதனை தொடர்ந்து சத்யராஜ் நடித்த ‛பிக்பாக்கெட்', மோகன் நடித்த ‛உருவம்', பிரபுவின் ‛உத்தமராசா' உள்ளிட்ட படங்களுக்கு ஒளிப்பதிவு செய்துள்ளார். பின்னர் ‛புதிய ஆட்சி, அசுரன், கடவுள், புரட்சிக்காரன்' உள்ளிட்ட படங்களை இயக்கியுள்ளார். அதன்பின் ‛காதல் கதை, ஒரு இயக்குனரின் காதல் டைரி' என படங்களை இயக்கினார். கஜானா, வெப்பன், ஜாங்கோ உள்ளிட்ட படங்களில் நடித்தார்.

பி ஜெயாதேவி என்பவரை முதன்முதலில் திருமணம் செய்த வேலு பிரபாகரன், அதன்பின்னர் 2017ல் தன் 60வது வயதில் தன்னை விட 25 வயது குறைவான நடிகை ஷிர்லே தாஸ் என்பவரை இரண்டாம் திருமணம் செய்து கொண்டார். நடிகை ஷிர்லே தாஸ், வேலு பிரபாகரன் உடன் 'காதல் கதை' என்கிற திரைப்படத்தில் நடித்திருந்தார். அப்போது மலர்ந்த காதலை அடுத்து 60வது வயதில் இரண்டாம் திருமணம் செய்துகொண்டார். இது அப்போது பேசுபொருள் ஆனது.

சென்னை வளசரவாக்கத்தில் உள்ள வீட்டில் உடல் அஞ்சலிக்காக வைக்கப்பட்டுள்ளது. அவரது மறைவுக்கு திரையுலகினர் உள்ளிட்ட பலர் இரங்கல் தெரிவித்து வருகின்றனர். ஞாயிறு அன்று இறுதிச்சடங்கு நடக்கிறது.

DirectorVeluprabhakaran

Veluprabhakaran

RIPVeluprabhakaran

கருத்துகள் (1) கருத்தைப் பதிவு செய்ய

ஹைதராபாத்தில் அனிருத் நடத்தும் ...

அனல் காற்று, தூசு, கொப்பளங்கள்... : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய