Dinamalar

லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்

விக்னேஷ் சிவன் இயக்கத்தில், அனிருத் இசையமைப்பில், பிரதீப் ரங்கநாதன், எஸ்ஜே சூர்யா, கிரித்தி ஷெட்டி மற்றும் பலர் நடிப்பில் உருவாகி வரும் படம் 'லவ் இன்ஷுரன்ஸ் கம்பெனி'.

இப்படத்தின் படப்பிடிப்பு கடந்த வருடம் ஜனவரி ஆரம்பமாகியது. ஓரிரு படங்களின் நாயகனான பிரதீப் ரங்கநாதன் நடிப்பதால் படம் சீக்கிரமே முடிந்து வெளியாகும் என்று எதிர்பார்க்கப்பட்டது. ஆனால், இப்படத்தின் படப்பிடிப்பு முழுவதும் முடிய ஒரு வருட காலத்திற்கும் மேலாகிவிட்டது.

பிரதீப் நாயகனாக நடித்து வெளிவந்த 'லவ் டுடே, டிராகன்' இரண்டுமே சூப்பர் ஹிட் ஆகியுள்ளதால் இந்த 'லவ் இன்ஷுரன்ஸ் கம்பெனி' படத்திற்கும் நல்ல வியாபாரம் நடக்க வாய்ப்புள்ளது.

இதனிடையே, இப்படம் குறித்த அப்டேட் ஒன்றை வெளியிட்டுள்ளார் விக்னேஷ் சிவன். “ஒவ்வொருவரிடமிருந்தும் மிகுந்த ஆர்வம், அன்பு, நேர்மை மற்றும் கடின உழைப்பு ஆகியவற்றோடு அனைவராலும் உருவாக்கப்பட்டது லவ் இன்ஷுரன்ஸ் கம்பெனி. ஒவ்வொரு நாளும் படப்பிடிப்பில் நிறைய சவால்கள் இருந்தன. ஆனால், நாங்கள் புன்னகைக்கவும் எங்களது வேலைகளை ரசிக்கவும் மறக்கவில்லை. இந்த பிரேம்களில் அனைவரின் ஆதரவும் இல்லாமல் நாங்கள் உருவாக்க முயற்சித்த எந்த மேஜிக்கும் சாத்தியமில்லை.

ஒரு பிரேமுக்குக் கூட சமரசம் செய்யாமல் ஒரு அசலான புதிய பொழுதுபோக்கு திரைப்படத்தை உருவாக்க எங்களால் முடிந்த அனைத்தையும் செய்ததில் நாங்கள் பெருமைப்படுகிறோம். உங்கள் அனைவரின் அன்பு மற்றும் ஆதரவுடன் போஸ்ட் புரொடக்ஷன் பணிகள் தொடங்குகின்றன. ஒரு சிறப்பான பண்டிகை நாளில் உங்கள் நண்பர்கள் மற்றும் குடும்பத்தினருடன் கொண்டாட வருகிறோம்,” என்று சில புகைப்படங்களைப் பகிர்ந்து குறிப்பிட்டுள்ளார்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு
• 
  ரயில் ஜன்னல் கம்பி வழியாக மாளவிகா மோகனனிடம் முத்தம் கேட்ட மர்ம நபர்