Dinamalar

7 வருடங்களுக்கு பிறகு மீண்டும் வந்துள்ள டெல்னா டேவிஸ்

எம்ஆர் பிக்சர்ஸ், ஏ.மகேந்திரன் தயாரிக்கும் படம் 'லவ் இங்க்' . இந்தப் படத்தில் ராஜ் ஐயப்பா கதாநாயகனாக நடிக்க, அவருக்கு ஜோடியாக டெல்னா டேவிஸ் நடிக்கிறார். மலையாள நடிகையான டெல்னா டேவிஸ், 'விடியும் வரை பேசு' என்ற படத்தின் மூலம் தமிழில் அறிமுகமானர். அதன்பிறகு '49ஓ' படத்தில் நடித்தார். கடைசியாக 2017ம் ஆண்டில் வெளியான 'குரங்கு பொம்மை' படத்தில் நடித்தார்.

சினிமா வாய்ப்புகள் குறையவே சின்னத்திரை பக்கம் சென்றவர் அன்பே வா, அபியும் நானும், கண்ணான கண்ணே தொடர்களில் நடித்தார். தற்போது இந்த படத்தின் மூலம் திரும்பி வருகிறார். இதில் நடிகர்கள் சுனில் ரெட்டி, யோகிபாபு கேபிஒய் புகழ் ராமர் மற்றும் ரவி மரியா ஆகியோரும் இணைந்துள்ளனர். மேகராஜ் தாஸ் இயக்குகிறார். அர்ஜுன் ஒளிப்பதிவு செய்கிறார், படத்தின் பணிகள் இறுதிகட்டத்தை நெருங்கி உள்ளது.

படம் குறித்து இயக்குநர் கூறும்போது, “படப்பிடிப்பு தொடங்கிய நாள் முதலே சரியான திட்டமிடல் இருந்ததால் எளிதில் எங்களால் படப்பிடிப்பை முடிக்க முடிந்தது. தற்போது இறுதிக்கட்ட படப்பிடிப்பில் இருக்கிறோம். படப்பிடிப்பு திருவண்ணாமலை மாவட்டத்தில் உள்ள செய்யாறு மற்றும் அதன் சுற்றுவட்டார கிராமங்களில் நடந்தது. படம் பீல்-குட் ரொமாண்டிக் காமெடி ஜானரில் உருவாகிறது" என்றார்.

• 
  துரந்தர் 2 : படம் பார்க்காமல் பாராட்டிய ஆமிர்கான்
• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை

• 
  சான்வே மேக்னாவின் புதிய படம்
• 
  பிளாஷ்பேக்: இளையராஜாவின் ஆல்பம் இசையை பின்னணி இசையாக பயன்படுத்திய ...
• 
  பிளாஷ்பேக் : கடைசி வரை கஷ்டத்தில் வாழ்ந்த புஷ்பவல்லி
• 
  நிறைய சுமைகளை சுமக்காதீர்கள் : சமுத்திரகனி அட்வைஸ்
• 
  ‛நூறு சாமி' படக் கதை குறித்து பகிர்ந்த சசி