Dinamalar

ஐமேக்ஸ் தியேட்டர்களிலும் வெளியாகும் ‛கோட்'

அறிவியல் தொழில்நுட்பங்களின் வளர்ச்சிக்கேற்ப திரைப்படத் துறையும் மாறி வருகிறது. 35 எம்எம், 70 எம்எம் உள்ளிட்ட திரை அளவுகளில் தியேட்டர்களில் சினிமாவைப் பார்த்தது ரசித்தது மாறி இன்று 'ஐமேக்ஸ்' திரை வரை வளர்ந்திருக்கிறது. சாதாரண திரைகளில் இருந்து இந்த திரை சற்று பெரிதாக இருக்கும். இன்னைக்கு ஒரு படம் ஐமேக்ஸில் வெளியானால் தான் அதை கவுரவமாக பார்க்கிறார்கள். அந்தவகையில் விஜய்யின் கோட் படம் ஐமேக்ஸ் திரையில் வெளியாகிறது.

வெங்கட் பிரபு இயக்கத்தில் விஜய் நடிப்பில் உருவாகி தயாராகி வரும் திரைப்படம் 'தி கிரேட்டஸ்ட் ஆப் ஆல் டைம்'. சுருக்கமாக கோட் என அழைக்கின்றனர். பிரசாந்த், பிரபுதேவா, ஜெயராம், மோகன், சினேகா, லைலா, அஜ்மல், மீனாட்சி சவுத்ரி உள்ளிட்ட பலர் முக்கிய கதாபாத்திரங்களில் நடித்துள்ளனர். ஏ.ஜி.எஸ் நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைத்துள்ளார்.

படப்பிடிப்பு முடிந்து தற்போது இதன் போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன. செப்., 5ல் தமிழ் மட்டுமல்லாது தெலுங்கு, மலையாளம், ஹிந்தி என பான் இந்தியா படமாக வெளியாகிறது. இந்நிலையில் உலகளவில் உள்ள ஐமேக்ஸ் திரைகளிலும் இப்படம் வெளியாவதாக படக்குழுவினர் அறிவித்துள்ளனர்.

இந்தியாவில் ஐமேக்ஸ் தியேட்டர்கள் இப்போது தான் அதிகமாகி வருகிறது. கோட் படம் இந்திய அளவில் சுமார் 25 ஐமேக்ஸ் தியேட்டர்களில் வெளியாகும் என தெரிகிறது. தமிழகத்தை பொருத்தமட்டில் சென்னையில் இரண்டு ஐமேக்ஸ் திரைகள் உள்ளன. கோவையில் சமீபத்தில் ஒரு ஐமேக்ஸ் தியேட்டர் திறக்கப்பட்டது. அப்படி பார்க்கையில் கோட் படம் தமிழகத்தில் 3 ஐமேக்ஸ் தியேட்டர்களில் வெளியாகிறது.

இதற்கு முன்னர் விஜய்யின் ‛லியோ' படமும் ஐமேக்ஸ் தியேட்டரில் வெளியானது என்பது குறிப்பிடத்தக்கது.

• 
  26 வருடங்களுக்குப் பிறகு மீண்டும் பிரியதர்ஷன் டைரக்ஷனில் நடிக்கும் தபு
• 
  பைரசியில் இருந்து அமீர்கான் படத்தை பாதுகாக்க சென்னை உயர்நீதிமன்றம் ...
• 
  சச்சினுடன் விரலால் கிரிக்கெட் விளையாடிய அமிதாப் பச்சன்
• 
  வித்யூத் ஜம்வால் நிர்வாண போஸ்
• 
  ஹிந்தியில் ஓப்பனிங்கிலேயே சரிவடைந்த பிரபாஸின் 'தி ராஜா சாப்' வசூல்!

• 
  'ஜனநாயகன், டாக்சிக்' : அடுத்தடுத்த சர்ச்சையில் தயாரிப்பு நிறுவனம்
• 
  அவதூறு பரப்பும் விஜய் ரசிகர்கள்! - சாடிய இயக்குனர் சுதா கொங்கரா
• 
  அல்லு அர்ஜூனின் 23வது படத்தை இயக்கும் லோகேஷ் கனகராஜ்; அறிவிப்பு வெளியானது
• 
  பராசக்தி என் நடிப்புக்கான முழுமையான அங்கீகாரத்தை கொடுத்து விட்டது! -ஸ்ரீ ...
• 
  தனுஷ் 54வது படத்தின் புதிய அப்டேட்: நாளை பொங்கல் தினத்தில் வெளியாகிறது!