பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன் | பெண் குழந்தைக்கு தந்தையான ரெடின் கிங்ஸ்லி | துருவ நட்சத்திரம் : காத்திருக்கும் விக்ரம் | 25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ஆதங்கம் | அருண் விஜய் படத்திற்கு பாடல் பாடிய தனுஷ் | அமெரிக்காவில் ஏப்., 9ல் குட் பேட் அக்லி பிரீமியர் காட்சி | முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி தியோல் | அண்ணன் கடனை என்னால் அடைக்க முடியாது: கோர்டில் நடிகர் பிரபு தகவல் | பிளாஷ்பேக்: சமகாலத்தில் எடுக்கப்பட்டு சாதனையையும், வேதனையையும் சந்தித்த இரண்டு “ஞானசௌந்தரி”கள் | 'ரெட்ரோ' டப்பிங் பணிகளை நிறைவு செய்த சூர்யா |
ஷங்கர் இயக்கத்தில் கமல்ஹாசன் நடித்துள்ள படம் ‛இந்தியன் 2'. 1996ல் இவர்கள் கூட்டணியில் இந்தியன் படம் வந்தது. அதன்பின் 28 ஆண்டுகளுக்கு பின் தற்போது இதன் இரண்டாம் பாகம் இன்று(ஜூலை 12) வெளியாகி உள்ளது. கமல் உடன் சித்தார்த், காஜல் அகர்வால், எஸ்.ஜே.சூர்யா, பாபி சிம்ஹா, ரகுல் ப்ரீத் சிங் உள்ளிட்ட பலர் நடித்துள்ளனர். அனிருத் இசையமைத்துள்ளார்.
லைகா மற்றும் ரெட் ஜெயன்ட் நிறுவனங்கள் இணைந்து தயாரித்துள்ளனர். தமிழ், தெலுங்கு, ஹிந்தி உள்ளிட்ட மொழிகளில் வெளியாகி உள்ள இந்த படத்திற்கு இன்று ஒருநாள் மட்டும் காலை 9 மணி சிறப்பு காட்சி உட்பட 5 காட்சிகள் திரையிட அரசு அனுமதி வழங்கி உள்ளது. இதனால் தமிழகத்தில் காலை 9 மணிக்கே தியேட்டர்களில் இந்தியன் 2 படம் வெளியானது. இதை கமலின் ரசிகர்கள் கொண்டாடி மகிழ்ந்தனர். தியேட்டரில் வைக்கப்பட்டுள்ள கமலின் பேனர்களுக்கு மாலை அணிவித்தும், பட்டாசு வெடித்தும், ஆட்டம், பாட்டு என ரசிகர்கள் கொண்டாடினர்.
தமிழகத்தில் சுமார் 800 தியேட்டர்களில் இந்தியன் 2 படம் வெளியாகி உள்ளது. அதேசமயம் ஆந்திரா, தெலுங்கானா உள்ளிட்ட பிறமாநிலங்களில் அதிகாலையிலேயே படங்கள் வெளியாகின. படத்திற்கு கலவையான விமர்சனங்களை வலைதளங்களில் ரசிகர்கள் பகிர்ந்து வருகின்றனர்.