Dinamalar

கதைகளை புனைவதால் வருத்தம்: பாடகி சைந்தவி

இசையமைப்பாளர் ஜிவி பிரகாஷ், பாடகி சைந்தவி ஆகியோர் 2013ல் திருமணம் செய்தனர். இவர்களுக்கு அன்வி என்ற மகள் உள்ளார். இவர்களின் 11 ஆண்டு திருமண வாழ்க்கை முடிவுக்கு வந்துள்ளது. தாங்கள் இருவரும் மனம் ஒத்து பிரிவதாக கூட்டாக அறிவித்துள்ளனர். இவர்களின் பிரிவை வைத்து சமூகவலைதளங்களில் பல்வேறு விதமான கருத்துக்கள் மற்றும் விவாதங்கள் நடைபெற்று வருகின்றன.

இதற்கு ஜிவி பிரகாஷ், ‛‛புரிதலும், போதுமான விவரங்கள் இல்லாமலும் அனுமானத்தின் பேரில் இரு மனங்கள் இணைவது, பிரிவது குறித்து பொது வெளியில் விவாதிக்கப்படுவது துரதிஷ்டவசமானது. தங்களின் கற்பனைக்கு வார்த்தைகள் மூலம் வடிவம் கொடுத்து சமூக ஊடகங்களில் வெளிப்படுத்துவதால் அது "யாரோ ஒரு தனிநபரின்" வாழ்க்கையை பாதிக்கும் என்பதை உணராத அளவுக்கு தமிழர் மாண்பு குறைந்து விட்டதா...?

இருவரும் பரஸ்பரம் ஒப்புக்கொண்டு பிரிந்ததன் பின்னணியையும், காரணங்களையும் என்னுடன் நெருங்கிய பழகிய நண்பர்கள், உறவினர்கள் நன்கு அறிவார்கள். அனைவரிடமும் கலந்தாலோசித்து பின்புதான் இருவரும் இந்த முடிவை மேற்கொண்டோம். என் தனிப்பட்ட வாழ்க்கை மீது தங்களின் ஆதங்கமான விமர்சனங்கள் இருந்தாலும் சம்பந்தப்பட்டவர்களின் மனதை அது மிகவும் காயப்படுத்துகிறது என்பதை உணர்த்தவே இதை பதிவிடுகிறேன். ஒவ்வொரு தனி மனிதரின் நியாயமான உணர்வுக்கும் மதிப்பளியுங்கள்'' என தனது எதிர்ப்பை தெரிவித்திருந்தார்.

ஆனாலும், இன்னும் சமூக வலைதளங்கள், சில யூடியூப் சேனல்கள் மற்றும் ஊடகங்களில் இருவரின் பிரிவு தொடர்பான விவாதங்கள் நடந்து வருகின்றன. இது தொடர்பாக பாடகி சைந்தவி தனது எக்ஸ் பக்கத்தில் வெளியிட்டுள்ள அறிக்கை: ‛‛பல யூடியூப் வீடியோக்களைச் சேர்ந்தவர்கள் தாங்கள் பெற்ற செய்திகளின் அடிப்படையில் கதைகளை புனைவதைப் பார்ப்பது வருத்தமளிக்கிறது. குறிப்பாக நாங்கள் 'ப்ரைவேசி'யை கோரிய பிறகும் இந்த நிலை தொடர்கிறது.

எங்கள் விவாகரத்து என்பது எந்தவொரு வெளிப்புற சக்தியாலும் நிகழ்ந்தது அல்ல. ஆதாரமற்ற முறையில் ஒருவரை மோசமாக சித்தரிப்பதை ஏற்றுக்கொள்ள முடியாது. இந்த முடிவு எங்கள் முன்னேற்றத்திற்காக நாங்கள் இருவரும் பரஸ்பரம் சேர்ந்து எடுத்த முடிவு. நானும் ஜி.வி.பிரகாஷூம் பள்ளிப் பருவத்தில் இருந்தே 24 வருட நண்பர்கள். அந்த நட்பை தொடர்ந்து பேணுவோம்''. இவ்வாறு அதில் குறிப்பிட்டுள்ளார்.

இதனை பகிர்ந்த ஜி.வி.பிரகாஷ், ‛‛தங்களின் சொந்த அனுமானங்களின் அடிப்படையில் சேனல்கள் சொல்லும் கதைகள் உண்மைக்கு புறம்பானது. மேலும் சிலர், தங்களின் சொந்த கற்பனை மற்றும் கதைகளின் அடிப்படையில் சிலரின் குணாதியசங்களை மோசமாக சித்தரித்து குளிர் காய்கிறார்கள். இவர்களைத் தவிர எங்களின் கடினமான காலத்தில் ஆதரவளித்த மற்றவர்களுக்கு நன்றி'' எனத் தெரிவித்துள்ளார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  விவாகரத்து வழக்கு ; தனுஷ் - ஐஸ்வர்யா நேரில் ஆஜர் : பிரிவதில் இருவரும் உறுதி
• 
  விமர்சனங்கள், தியேட்டர் கருத்துக்கள்…தடுக்க முடியுமா?
• 
  ஏ.ஆர்.ரஹ்மான் குழுவிலிருந்த பெண் 'கிடாரிஸ்ட்' விவாகரத்து
• 
  30 வருடங்களுக்குப் பிறகு த்ரிஷா ஜப்பான் பயணம்
• 
  பிளாஷ்பேக்: 40 ஆண்டுகளுக்கு பிறகு தமிழில் ரீமேக் ஆன தெலுங்கு படம்