Dinamalar

கேரள நர்ஸ் வீட்டிற்கு சென்று டாக்குமென்ட்ரி படம் எடுத்த ஐஸ்வர்யா ரஜினி

ரஜினிகாந்தின் மூத்த மகளான ஐஸ்வர்யா இயக்கத்தில் கடந்த சில மாதங்களுக்கு முன்பு லால் சலாம் திரைப்படம் வெளியானது. எதிர்பார்க்கப்பட்ட அளவிற்கு இந்த படம் வெற்றியை பெற தவறியது. இதையடுத்து ஐஸ்வர்யா படம் இயக்கப் போகிறாரா அல்லது சிறிது இடைவெளி விடப் போகிறாரா என்பது பற்றி எந்த தகவலும் வெளியாகாத நிலையில் தற்போது டாக்குமென்டரி படம் ஒன்றை இயக்கி வருகிறார். கேரளாவை சேர்ந்த திருவனந்தபுரம் மருத்துவக் கல்லூரி மருத்துவமனையில் பணியாற்றி சில வருடங்களுக்கு முன்பு காலமான கேன்சர் ஸ்பெஷலிஸ்ட் மருத்துவரான டாக்டர் சி.பி.மேத்யூ என்பவரைப் பற்றிய டாக்குமென்ட்ரி படத்தை தான் ஐஸ்வர்யா ரஜினிகாந்த் இயக்கி வருகிறார்.

இதற்காக அவருடன் பணியாற்றிய பலரையும் நேரில் சந்தித்து அவர்களுடைய அனுபவங்கள் குறித்து வீடியோ பதிவை எடுத்து வருகிறார் ஐஸ்வர்யா. இந்த நிலையில் கோட்டயம் மாவட்டத்தைச் சேர்ந்த கஞ்சிக்குழி என்கிற பகுதியில் வசிக்கும் நெல்சம்மா என்பவர் டாக்டர் மேத்யூவுடன் பல வருடங்கள் இணைந்து பணியாற்றியவர். தற்போது ஓய்வு பெற்று வீட்டில் வசித்து வருகிறார். இந்த நிலையில் அவரை நேரில் சந்தித்து டாக்டர் மேத்யூ குறித்த விபரங்களை கேட்டறிந்து படமாக்கி உள்ளார் ஐஸ்வையா. இது குறித்து நர்ஸ் எல்சம்மாவின் மருமகள் ஷீலா என்பவர் ஐஸ்வர்யா ரஜினிகாந்த் தங்களுடன் எடுத்துக் கொண்ட புகைப்படத்தை வெளியிட்டு இந்த தகவலை வெளிப்படுத்தியுள்ளார்.

இது குறித்து அவர் கூறும்போது, “எனது மாமியார் எல்சம்மாவை பார்க்க அவருடன் பணியாற்றிய சக ஊழியர்கள், மருத்துவக் கல்லூரி மருத்துவர்கள் கூட அவ்வப்போது வருவதுண்டு. அந்த வகையில் தற்போது திருவனந்தபுரம் மருத்துவக் கல்லூரி டீன் சுரேஷ் என்பவர் எங்கள் வீட்டிற்கு வருவதாக முன்கூட்டியே கூறியிருந்தார். ஆனால் அவர் வந்த பிறகு தான் கூடவே ஐஸ்வர்யா ரஜினிகாந்த் வந்திருக்கிறார் என்கிற தகவலே எங்களுக்கு தெரிய வந்தது. முன்கூட்டியே தகவல் தெரிந்தால் தேவையில்லாத கூட்டம் கூடிவிடும் என்பதால் தான் இப்படி முன்னறிவிப்பின்றி வந்ததாக ஐஸ்வர்யா கூறினார். எங்கள் வீட்டில் உள்ளவர்களுடன் ரொம்பவே எளிமையாக பழகிய அவர் நாங்கள் பரிமாறிய உணவுகளை ருசித்து சாப்பிட்டார். இப்படி ஒரு விஐபி எங்கள் வீட்டிற்கு வந்ததாக சொன்னால் யாருமே நம்பவில்லை. அதன்பிறகு நான் வெளியிட்ட புகைப்படங்களை பார்த்த பின்பு தான் அவர்களும் தங்களது ஆச்சரியத்தை வெளிப்படுத்தினார்கள்” என்று கூறி உள்ளார்.

• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்
• 
  மலையாள படத்தின் ஹிந்தி ரீமேக் : இயக்குனர் மறைந்து ஒரு வருடம் கழித்து ...
• 
  மீண்டும் ஹிந்தியில் கீர்த்தி சுரேஷ்

• 
  தக்லைப் படத்தை அடுத்து தெலுங்கு நடிகரை இயக்கும் மணிரத்னம்!
• 
  வாடிவாசல் படத்திற்காக 100 சதவீத அர்ப்பணிப்பை கொடுப்பேன்: வெற்றிமாறன் ...
• 
  சென்னை விமான நிலையத்தில் சந்தித்துக் கொண்ட விஷால் - விஜய் சேதுபதி!
• 
  ராமாயணா படத்தில் யஷ்-க்கு ஜோடியாகும் காஜல் அகர்வால்!
• 
  வாய் பேசா கதாபாத்திரத்தில் சிறை கைதியாக நடித்துள்ள ரவீணா ரவி