Dinamalar

5 ஆண்டுகளுக்கு பிறகு வெளியாகும் ஸ்ரீதிவ்யா படம்

தமிழில் வருத்தப்படாத வாலிபர் சங்கம் படத்தில் சிவகார்த்திகேயனுக்கு ஜோடியாக அறிமுகமாகி முதல் படத்திலேயே ரசிகர்களின் குட் புக்கில் இடம் பிடித்தவர் நடிகை ஸ்ரீதிவ்யா. அதைத்தொடர்ந்து காக்கி சட்டை, ஜீவா, மருது, ஈட்டி என இளம் முன்னணி நடிகர்களுக்கு ஜோடியாக தொடர்ந்து நடித்து வந்தார். திடீரென ஒரு கட்டத்தில் பட வாய்ப்புகள் இல்லாமல் திரையரங்கை விட்டு சில வருடங்களாக ஒதுங்கியே இருக்கிறார் ஸ்ரீதிவ்யா. கடைசியாக 2017-ல் ஜீவாவுக்கு ஜோடியாக அவர் நடித்த சங்கிலி புங்கிலி கதவ திற என்கிற படம் வெளியானது.

இந்த நிலையில் ஐந்து வருடங்களுக்குப் பிறகு ஸ்ரீதிவ்யா நடித்த படம் இன்று தியேட்டர்களில் வெளியாகி உள்ளது. ஆம். இன்று மலையாளத்தில் வெளியாகியுள்ள ஜனகனமன என்கிற படத்தில் நடித்திருப்பதன் மூலம் முதன்முறையாக மலையாளத் திரையுலகில் அடியெடுத்து வைத்துள்ளார் ஸ்ரீதிவ்யா.. நாளை இந்தப்படம் தமிழிலும் வெளியாகிறது.

பிரித்விராஜ் கதாநாயகனாக நடித்துள்ள இந்த படத்தை டிஜோ ஜோஸ் ஆண்டனி என்பவர் இயக்கியுள்ளார். இவர்களுடன் சுராஜ் வெஞ்சரமூடு, மம்தா மோகன்தாஸ் ஆகியோரும் முக்கிய கதாபாத்திரத்தில் நடித்துள்ளனர். இந்த படம் ஸ்ரீதிவ்யாவுக்கு மலையாளத்தில் ஒரு புதிய பாதையை போட்டுக் தருவதுடன் திரையுலகிற்கு ஒரு வெற்றிகரமான ரீ என்ட்ரியாகவும் அமையும் என எதிர்பார்க்கலாம்.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  என்னை ஏன் டார்கெட் செய்கிறார்கள் : கயாடு லோஹர் வேதனை
• 
  ரஜினி படத்திலிருந்து விலகியதால் மீண்டும் கார்த்தியுடன் இணையும் ...
• 
  பாலகிருஷ்ணா 111வது படத்தில் ராணி ஆக நயன்தாரா
• 
  மீண்டும் காமெடி ஹீரோவான சதீஷ்
• 
  ஒரே படத்தின் மூலம் தமிழுக்கு வரும் தெலுங்கு, மலையாள ஹீரோயின்கள்