காதலனை மணந்த பிகில் பட நாயகி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

காதலனை மணந்த பிகில் பட நாயகி

10 ஜன, 2022 - 09:52 IST

எழுத்தின் அளவு:

அட்லி இயக்கத்தில் விஜய் நடித்த பிகில் படத்தில் கால்பந்தாட்ட வீராங்கனைகளில் ஒருவராக நடித்தவர் மலையாள நடிகை ரெபா மோனிகா ஜான். காதலனால் ஆசிட் வீச்சுக்கு ஆளாகி அதிலிருந்து மீண்டு வந்து சாதிக்கும் வீராங்கனையாக நடித்திருந்த அவருக்கு ரசிகர்களிடம் நிறையவே பாராட்டுக்கள் கிடைத்தன. தற்போது விஷ்ணு விஷால் ஜோடியாக எப்.ஐ.ஆர் என்கிற படத்தில் நடித்து முடித்துவிட்டார்.

இந்த நிலையில் ரசிகர்களுக்கு சர்ப்ரைஸ் கொடுக்கும் விதமாக தனது காதலரையே திருமணம் செய்து கொண்டுள்ளார் ரெபா மோனிகா ஜான். இவர்களது திருமணம் நண்பர்கள் மற்றும் குடும்ப உறுப்பினர்கள் என முக்கியமானவர்கள் மட்டுமே கலந்துகொள்ள நேற்றைய தினம் கேரளாவில் உள்ள ஒரு சர்ச்சில் நடைபெற்றுள்ளது. தனது நீண்ட நாள் பாய்பிரண்ட் ஆன ஜோமோன் ஜோசப் என்பவரை தான் திருமணம் செய்து கொண்டுள்ளார் ரெபா மோனிகா ஜான்.

கடந்த வருடம் பிப்ரவரி 4-ஆம் தேதி ரெபாவின் பிறந்தநாளன்று வாழ்த்துக்களுடன் சேர்த்து தனது காதலையும் தெரிவித்தார் ஜோமோன் ஜோசப். அதை ஏற்றுக்கொண்ட ரெபா மோனிகா ஜான் ஒரு வருடம் முடிவதற்குள்ளாகவே அந்த அழகான காதலை திருமண பந்தம் ஆக மாற்றி புதிய வாழ்வில் அடியெடுத்து வைத்துள்ளார்.

rebamonicajohn

கருத்துகள் (0) கருத்தைப் பதிவு செய்ய

மீண்டும் காதலில் விழுந்தாரா சிம்பு?

இந்த மாதம் முழுவதும் இஞ்சி டீ தான் - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய