Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

வலிமை டிரைலர் வெளியீடு - மிரள வைக்கும் ஆக்ஷன் காட்சிகள்

30 டிச, 2021 - 19:24 IST
எழுத்தின் அளவு:
Valimai-Trailer-out

நேர்கொண்ட பார்வைக்கு பின் அஜித் - வினோத் கூட்டணியில் உருவாகி உள்ள படம் ‛வலிமை'. கொரோனா பிரச்னையால் இரண்டு ஆண்டுகள் தயாரான இந்த படம் முடிந்து பொங்கலுக்கு வெளிவர உள்ளது. ஹூயுமா குரேஷி நாயகியாகவும், தெலுங்கு நடிகர் கார்த்திகேயா வில்லனாகவும் நடித்துள்ளனர். யுவன் இசையமைத்துள்ளார். போனி கபூர் தயாரித்துள்ளார்.

இப்படத்தின் இரண்டு பாடல்கள், முன்னோட்டம் மற்றும் மேக்கிங் வீடியோ ஆகியவை வெளியாகி ரசிகர்களின் கவனத்தை ஈர்த்தது. இந்நிலையில் இன்று(டிச., 30) மாலை 6.30 மணியளவில் படத்தின் டிரைலரை வெளியிட்டனர். 3.05 நிமிடங்கள் ஓடக்கூடிய இந்த டிரைலர் முழுக்க அதிரடி ஆக்ஷன் காட்சிகளாக நிறைந்துள்ளன. டிரைலரின் ஆரம்பமே அதிரடி ஆக்ஷன் உடன் ஆரம்பமாகிறது. படத்தில் அர்ஜூனன் என்ற போலீஸ் அதிகாரி வேடத்தில் அஜித் நடித்துள்ளார்.

மதுரையில் இருந்து சென்னைக்கு மாற்றாகி வரும் அஜித் ஒரு தற்கொலை தொடர்பான விசாரணையில் இறங்குகிறார். இதன் பின்னணியில் இதுவரை இல்லாத அளவுக்கு ஒரு பெரிய கிரைம் நெட்வொர்க் இருப்பதை கண்டறியும் அஜித் அதை எப்படி எதிர்கொள்கிறார் என்பதே கதையாக இருக்கும் என புரிந்து கொள்ள முடிகிறது.
வில்லனாக கார்த்திகேயன் மிரட்டலாக நடித்துள்ளார். 3 நிமிடம் டிரைலர் மொத்தமும் அதிரடி ஆக்ஷன் காட்சிகள் தான் தூள் கிளப்பி உள்ளது. ரசிகர்கள் என்ன எதிர்பார்ப்பார்களோ அதை டிலைரில் பூர்த்தி செய்துள்ளார் அஜித். ஹாலிவுட் தரத்திலான ஆக்ஷன் காட்சிகளும், பைக் சேஸிங் காட்சிகள் இடம் பெற்றுள்ளன.

‛‛ஏழையா இருந்துட்டு உழைப்பவர்களை கேவலப்படுத்தாத, உயிரை எடுக்குற உரிமை நமக்கு இல்ல. ஜெயிக்கணும், பணம் சம்பாதிக்கணும். வலிமை இருப்பவன் அவனுக்கு என்ன தேவையோ அதை எடுத்து கொள்வான். வலிமை அடுத்தவனை காப்பாற்றத்தான், அழிக்க அல்ல.... தான் உண்டு தன் வேலை உண்டு என இருப்பவனிடம் அவனது சமநிலை தவறினால் அவனது கோபம் எப்படி இருக்கும் என்பதை காட்டுவேன்... உள்ளிட்ட வசனங்களும் டிரைலரில் கவனம் ஈர்த்துள்ளன.

மொத்தத்தில் கடந்த ஓராண்டுக்கு மேலாக வலிமை அப்டேட் கேட்ட ரசிகர்கள் இனி 'வலிமை அப்டேட்' என எங்கும் குரல் எழுப்ப மாட்டார்கள். அந்தளவுக்கு ஒரு மாஸான அதிரடி டிரைலரை வழங்கி உள்ளார் வினோத். இருப்பினும் டிரைலர் முழுக்க ஒரே ஆக்ஷன் காட்சியாக இருப்பதால் விவேகம் மாதிரி எதுவும் ஆகி விடக்கூடாது என எண்ணவும் தோன்றுகிறது.

அதேசமயம் காலை முதலே டிரைலரை எதிர்பார்த்த ரசிகர்கள் வலிமை பற்றி சமூகவலைதளங்களில் அதிகம் டிரெண்ட் செய்த வண்ணம் இருந்தனர். டிரைலர் வெளியான பின் உலகளவில் டிரெண்ட் ஆக்கினர். டிரைலர் வெளியான அரைமணி நேரத்திலேயே 10 லட்சத்திற்கும் அதிகமான பார்வைகள் கிடைத்தன.

Advertisement
கருத்துகள் (1) கருத்தைப் பதிவு செய்ய
கைதி 2  விரைவில் தொடங்குகிறதுகைதி 2 விரைவில் தொடங்குகிறது இளையராஜா பற்றி தவறான தகவல்களை பரப்பாதீர்கள் இளையராஜா பற்றி தவறான தகவல்களை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (1)

Nishan - Tirupur,இந்தியா
31 டிச, 2021 - 14:28 Report Abuse
Nishan விவேகம் பார்ட் 2🤣🤣🤣
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in