Dinamalar

தனுஷ், வெற்றிமாறன், இமான், பார்த்திபன், விஜய் சேதுபதிக்கு தேசிய விருது வழங்கி கவுரவிப்பு

67வது தேசிய திரைப்பட விழாவில் நடிகர் ரஜினிக்கு சினிமாவின் உயரிய விருதான தாதா சாகேப் பால்கே விருது வழங்கப்பட்டது. அசுரன் படத்திற்காக சிறந்த நடிகருக்கான விருதை தனுஷ் பெற்றார். இவர்களுடன் தாணு, வெற்றிமாறன், இமான், விஜய் சேதுபதி, பார்த்திபன் ஆகியோருக்கும் தேசிய விருது கிடைத்தன.

67வது தேசிய திரைப்பட விருதுகள் வழங்கும் விழா, டில்லியில் இன்று(அக்., 25) நடந்தது. துணை ஜனாதிபதி வெங்கய்யா நாயுடு விழாவுக்கு தலைமை தாங்கி திரைக்கலைஞர்களுக்கு விருது வழங்கினார். மத்திய அமைச்சர்கள் அனுராக் தாக்கூர், எல்.முருகன் ஆகியோரும் விழாவில் பங்கேற்றனர். தமிழில் சிறந்த படமாக தேர்வான வெற்றிமாறன் இயக்கத்தில் தனுஷ் நடித்த அசுரன் படத்திற்கு கிடைத்தது. இந்த விருதை படத்தை தயாரித்த தாணு மற்றும் இயக்குனர் வெற்றிமாறன் பெற்றுக் கொண்டார்.

இதேப்போல் சிறந்த நடிகருக்கான தேசிய விருதை நடிகர் தனுஷ் பெற்றார். அசுரன் படத்தில் சிறப்பாக நடித்ததற்காக இந்த விருது அவருக்கு வழங்கப்பட்டது.

பார்த்திபன் ஒருவர் மட்டுமே இயக்கி, நடித்த ஒத்த செருப்பு படத்திற்கு தேர்வுக்குழுவின் சிறப்பு ஜூரி விருது வழங்கப்பட்டது. இதற்கான விருதை நடிகர் பார்த்திபன் பெற்றுக் கொண்டார். இந்த படத்தில் சிறந்த ஒலிக்கலவைக்கான தேசிய விருது சவுண்ட் டிசைனர் ரசூல் பூக்குட்டிக்கு வழங்கப்பட்டது.

சிவா இயக்கத்தில் அஜித் நடிப்பில் வெளியான விஸ்வாசம் படத்தில் இடம் பெற்ற கண்ணான கண்ணே பாடலுக்காக சிறந்த இசையமைப்பாளருக்கான தேசிய விருது இசையமைப்பாளர் இமானுக்கு வழங்கப்பட்டது.

சூப்பர் டீலக்ஸ் படத்தில் நடித்தமைக்காக சிறந்த துணை நடிகருக்கான தேசிய விருதை நடிகர் விஜய் சேதுபதி பெற்றுக் கொண்டார்.

சிறந்த நடிகருக்கான தேசிய விருது இந்தாண்டு இருவருக்கு கிடைத்தது. ஒருவர் நடிகர் தனுஷ். மற்றொருவர் ஹிந்தி நடிகர் மனோஜ் பாஜ்பாய். போன்ஸ்லே என்ற படத்தில் சிறப்பாக நடித்தமைக்காக அவருக்கு இந்த விருது கிடைத்தது. இதேப்போன்று மணிகர்னிகா, பங்கா படங்களில் சிறப்பாக நடித்தமைக்காக சிறந்த நடிகைக்கான தேசிய விருது நடிகை கங்கனா ரணாவத்திற்கு வழங்கப்பட்டது.

சிறந்த குழந்தை நட்சத்திரம் நாக விஷால்
சிறந்த குழந்தை நட்சத்திரத்திற்கான விருது மாஸ்டர் நாக விஷாலுக்கு வழங்கப்பட்டது. தமிழில் கே.டி என்ற கருப்புதுரை என்ற படத்தில் சிறப்பாக நடித்தமைக்காக அவருக்கு இந்த விருது வழங்கப்பட்டது.

• 
  சர்வதேச விருதினை வென்ற ‛பூங்' படக்குழுவை பாராட்டிய பிரதமர் மோடி
• 
  'காந்தாரா' வழக்கு ரத்து செய்ய ரன்வீர் சிங் மனு
• 
  'சாரக்' படத்திற்கு தணிக்கை சான்று மறுப்பு
• 
  பாலிவுட் நடிகர் ரன்வீர் சிங்கிடம் 10 கோடி கேட்டு மிரட்டல்!
• 
  காக்டெய்ல் 2வில் லெஸ்பியன் வேடத்தில் நடிக்கும் ராஷ்மிகா

• 
  அடுத்தடுத்து திரைக்கு வரும் திரிஷா படங்கள்
• 
  மார்ச் 12ல் வெளியாகும் மேட் இன் கொரியா
• 
  தெலுங்கில் பிஸியாகும் ருக்மணி வசந்த்
• 
  20 ஆண்டுகளுக்கு பின் தென்னிந்திய படத்தில் சஞ்சீதா ஷேக் ரீஎன்ட்ரி
• 
  மீண்டும் இணையும் ‛மை லார்ட்' கூட்டணி