Dinamalar

மீண்டும் பி .உன்னிக்கிருஷ்ணன் டைரக்சனில் நடிக்கும் திலீப்

மலையாள திரையுலகில் மோகன்லாலின் ஆஸ்தான இயக்குனர்களில் ஒருவராக அறியப்படுபவர் பி.உன்னிகிருஷ்ணன். இவர் தான் நடிகர் விஷாலையும் ஹன்ஷிகாவையும் வில்லன் படம் மூலமாக மலையாளத்தில் அறிமுகப்படுத்தியவர். ஏற்கனவே மோகன்லாலை வைத்து நான்கு படங்களை இயக்கியுள்ள நிலையில், தற்போது ஐந்தாவதாக ஆராட்டு என்கிற படத்தை மோகன்லாலை வைத்து இயக்கி வருகிறார்.

இந்த படப்பிடிப்பு கிட்டத்தட்ட முடிவடைந்து விட்ட நிலையில் அடுத்ததாக நடிகர் திலீப்பை வைத்து படம் இயக்க தயாராகி விட்டார் பி உன்னிக்கிருஷ்ணன். இந்த படத்தின் கதையை புலிமுருகன் பட கதாசிரியர் உதயக்ரிஷ்ணா எழுதுகிறார். இதற்கு முன்னதாக கடந்த இரண்டு வருடங்களுக்கு முன்பு திலீப்பை வைத்து கோடதி சமக்ஷம் பாலன் வக்கீல் என்கிற படத்தை இயக்கினார் பி உன்னிக்கிருஷ்ணன்.

இந்த இருவரது கூட்டனியில் மிகப்பெரிய வெற்றிப்படமாக அது அமைந்தது. அதை தொடர்ந்து தற்போது இன்னொரு வெற்றிப் படத்தை கொடுப்பதற்காக இந்த கூட்டணி இணைகிறது. அதுமட்டுமல்ல கடந்த சில வருடங்களில் நடிகர் திலீப் சர்ச்சைகள் பலவற்றில் சிக்கி கடினமான சூழலில் இருந்த போது அவருக்கு பக்கபலமாக குரல் கொடுத்து வந்தவர் தான் இந்த உன்னிக்கிருஷ்ணன் என்பது குறிப்பிடத்தக்கது.

• 
  அனிமல் படத்திலிருந்து அனில் கபூர் தோற்றம் வெளியானது
• 
  பாலிவுட் நடிகர் அகில் மிஸ்ரா தவறி விழுந்து திடீர் மரணம்
• 
  விநாயகர் சதுர்த்தி கொண்டாட்டத்தில் செருப்பு அணிந்தேனா? - இயக்குனர் பரா ...
• 
  4 லட்ச வாடகையில் வீடு எடுத்த ரன்பீர் கபூர்
• 
  ரூ.400 கோடிக்கு விற்கப்பட்ட தேவ் ஆனந்த் பங்களா

• 
  விஷ்ணு மஞ்சு படத்திலிருந்து வெளியேறிய நூபுர் சனோன்
• 
  கொலை மிரட்டல் : போலீசில் பிரகாஷ்ராஜ் புகார்
• 
  கமலும் அர்ஜுனும் லாலிபாப் தான் சாப்பிட்டார்களா ? துல்கர் பட இயக்குனர் ...
• 
  மின்னல் முரளி இயக்குனருடன் ஜீத்து ஜோசப்பின் புதிய படம் அறிவிப்பு
• 
  ‛புரூஸ்லீ' கைவிடப்பட்டது : உன்னி முகுந்தன் அறிவிப்பு