Dinamalar

மாற்றி அறிவிக்கப்பட்ட மம்முட்டியின் பஷூக்கா ரிலீஸ் தேதி

கடந்த இரண்டு வாரங்களுக்கு முன்பு மலையாளத்தில் மம்முட்டி நடிப்பில் டொமினிக் அண்ட் தி லேடீஸ் பர்ஸ் என்கிற படம் வெளியானது. இயக்குனர் கவுதம் மேனன் முதன்முறையாக இந்த படத்தை இயக்கியதன் மூலம் மலையாள திரையுலகில் அடி எடுத்து வைத்தார். இந்த படம் ஓரளவு டீசண்டான வெற்றியை பெற்றது. இதுவரை தொடர்ந்து மம்முட்டி ஏற்கனவே நடித்து திரைக்கு வர தயாராக இருந்த பஷூக்கா திரைப்படம் பிப்ரவரி 14 வரும் காதலர் தினத்தன்று வெளியாவதாக ஏற்கனவே அறிவிக்கப்பட்டிருந்தது.

இந்த நிலையில் தற்போது சில காரணங்களால் இந்த படத்தின் ரிலீஸ் தேதி வரும் சித்திரை விஷு கொண்டாட்டமாக ஏப்ரல் பத்தாம் தேதிக்கு மாற்றி வைக்கப்பட்டு புதிய அறிவிப்பு வெளியாகி உள்ளது. இந்தப் படத்தை டினோ டென்னிஸ் என்கிற அறிமுக இயக்குனர் இயக்கியுள்ளார். இவர் மறைந்த பிரபல மலையாள கதாசிரியரான கலூர் டென்னிஸ் என்பவரின் மகன். அவரது கதைகளில் ஏராளமான ஹிட் படங்களில் மம்முட்டி நடித்துள்ளார். அந்த நட்பின் அடிப்படையில் அவரது மகனை தனது படத்தின் மூலம் இயக்குனராக அறிமுகப்படுத்துகிறார் மம்முட்டி. ஆச்சரியமாக இந்த படத்தில் கவுதம் மேனனும் பெஞ்சமின் ஜோஸ்வா என்கிற ஒரு முக்கிய கதாபாத்திரத்தில் நடித்திருக்கிறார்.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  ஹனிரோஸுக்கு ஜிஎஸ்டி துறை அனுப்பிய நோட்டீசை தள்ளுபடி செய்த கேரள ...
• 
  நடிகர் ஜெயசூர்யாவின் 39 லட்சம் மதிப்புள்ள சொத்துக்களை முடக்கிய ...
• 
  கேரளா பிளஸ் 2 மாதிரி தேர்வில் மோகன்லாலின் சினிமா பயணம் குறித்து கேள்வி
• 
  நுரையீரல் பிரச்னை : கன்னட நடிகை ரஷ்மி லீலா மரணம்
• 
  மம்முட்டி வாங்கி கொடுத்த 'ஹியரிங் எய்டு' கருவியை கழட்டி வீசிய தொழிலாளி