Dinamalar

ஐந்து வருடங்களுக்குப் பிறகு மீண்டும் நகைச்சுவைக்கு திரும்பிய சுராஜ் வெஞ்சாரமூடு

மலையாள திரையுலகில் முன்னணி நகைச்சுவை நடிகராக நடித்து வந்தவர் சுராஜ் வெஞ்சாரமூடு. அனைத்து முன்னணி நடிகர்களின் படங்களிலும் அவர்களுடன் இணைந்து காமெடியில் கலக்கிய சுராஜ் வெஞ்சாரமூடுவை பஹத் பாசில் நடித்த தொண்டிமுதலும் திரிக்சாட்சியம் என்கிற படத்தில் கதையின் நாயகனாக சீரியஸான கதாபாத்திரத்தில் நடிக்க வைத்தார் இயக்குனர் திலீஷ் போத்தன். அதைத்தொடர்ந்து வெளியான படங்களில் சீரியஸ் கதாபாத்திரங்களில் மட்டுமே நடிக்க ஆரம்பித்தார் சுராஜ் வெஞ்சாரமூடு. இவற்றில் சில கதாபாத்திரங்கள் வில்லத்தனம் கலந்தவை. இப்படிப்பட்ட கதாபாத்திரங்களில் நடிக்கும்போது எங்கேயுமே அவருக்குள் இருந்த காமெடி நடிகர் நம் கண்களுக்கு தெரியவே இல்லை.

குறிப்பாக டிரைவிங் லைசென்ஸ், ஜன கன மன, கரிங்குன்னம் சிக்ஸஸ், தி கிரேட் இந்தியன் கிச்சன், விக்ருதி, காணாக்கண்ணே உள்ளிட்ட படங்களை உதாரணமாக சொல்லலாம். 2019-ல் வெளியான ஆண்ட்ராய்டு குஞ்சப்பன் படத்தில் வயதான கதாபாத்திரத்தில் அவர் சீரியஸாக நடித்திருந்தாலும் அவர் நடிக்கும் காட்சிகள் எல்லாமே கதையின் காரணமாக சிரிப்பையே வரவழைத்தன. அந்த வகையில் ஐந்து வருடங்கள் கழித்து தற்போது மீண்டும் விரைவில் வெளியாக இருக்கும் 'கிர்ர்ர்' என்கிற படத்தில் நகைச்சுவைக்கு திரும்பியுள்ளார் சுராஜ்.

இந்த படத்தில் குஞ்சாக்கோ போபன் கதாநாயகனாக நடித்துள்ளார். ஒரு மிருகக்காட்சி சாலையில் சிங்கத்திடம் சிக்கிக்கொள்ளும் குஞ்சாக்கோ போபனும் அவரை காப்பாற்றுவதாக நினைத்துக்கொண்டு வலிய சென்று சிக்கலில் மாட்டிக்கொள்ளும் சுராஜும் அடிக்கும் கூத்துகள் தான் இந்த படத்தின் கதை. சமீபத்தில் வெளியான டிரைலரும் இதை உறுதிப்படுத்தி உள்ளது. அதனால்தான் சிங்கத்தின் உறுமல் சத்தத்தைதையே (கிர்ர்ர்) படத்தின் டைட்டிலாகவும் வைத்துள்ளனர். அந்த வகையில் சுராஜ் பழைய நகைச்சுவை முகத்தை பார்ப்பதற்கு ரசிகர்கள் ஆவலாக காத்திருக்கின்றனர்.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  2 வருடங்களுக்கு முன் காணாமல் போன மெமரி கார்டை கண்டுபிடிக்க சிறப்பு குழுவை ...
• 
  கேரள அரசு போக்குவரத்து ... மலரும் நினைவுகளில் மோகன்லால்
• 
  நடிகை பாலியல் குற்றச்சாட்டு : கேரள இளைஞர் காங்கிரஸ் பதவியை ராஜினாமா செய்த ...
• 
  பேட்ரியாட் படத்திற்கு மம்முட்டி எப்போது டப்பிங் பேசுகிறார் ? ; மோகன்லால் ...
• 
  27 வருடங்களுக்குப் பிறகு இணைந்த கூட்டணி ; சம்மர் இன் பெத்லகேம் ...