ஜி.பி.முத்துவுடன் லூட்டி அடித்த சீரியல் நடிகை! கழுவி ஊற்றும் நெட்டிசன்கள்

ஜி.பி.முத்துவுடன் இணைந்து டிக் டாக் செய்த மெளன ராகம் ரவீனாவை நெட்டிசன்கள் கழுவி ஊற்றி வருகின்றனர்.

மொபைல் ஸ்கிரீனில் கலாட்டாக்களை செய்து கொண்டிருந்த ஜி.பி.முத்து, சமீபகாலங்களில் சின்னத்திரை, வெள்ளித்திரை என மிகவும் பிரபலம் அடைந்து வருகிறார். அந்த வகையில் விஜய் டிவியில் நடைபெறும் ரியாலிட்டி ஷோ ஒன்றில் அவர் கலந்து கொள்ள இருப்பதாக தகவல்கள் வெளியாகியுள்ளது.

இந்நிலையில், விஜய் டிவியில் ஒளிபரப்பாகும் மெளன ராகம் தொடரில் நடித்து வரும் ரவீனா, ஜி.பி. முத்துவுடன் இணைந்து டிக் டாக் வீடியோ ஒன்றை வெளியிட்டுள்ளார். அந்த வீடியோவில், ஜி.பி.முத்து பேசிக்கொண்டிருக்கும் பொழுது அவரின் டிரேட்மார்க் வசனமான நாக்கு என்ற வசனத்தை சொல்லுமாறு ரவீனா செய்கை செய்தார். மேலும், இந்த வீடியோவிற்கு கேப்ஷனாக நாக்கு என்று கமெண்ட் செய்திருந்தார். இதை பார்த்த நெட்டிசன்கள் அவருடன் சேர்ந்து கொண்டு நீங்களும் இப்படி செய்யலாமா? என கழுவி ஊற்றி வருகின்றனர்.