கிழக்கு வாசல் சீரியலில் ஹீரோ யார் தெரியுமா? - இணையத்தில் கசிந்த புகைப்படம்

ராதிகா சரத்குமார் தயாரிப்பில் அதிக எதிர்பார்ப்பில் உருவாகி வரும் "கிழக்கு வாசல்" தொடரிலிருந்து நடிகர் சஞ்சீவ் விலகினார். இதனையடுத்து சஞ்சீவுக்கு மாற்றாக பாண்டியன் ஸ்டோர்ஸ் தொடரில் ஜீவா கதாபாத்திரத்தில் நடித்து வரும் வெங்கட் ரங்கநாதன் தான் ஹீரோவாக நடிக்க உள்ளதாக செய்திகள் வெளியானது. அதிகாரப்பூர்வ தகவல் எதுவும் வராததால் இந்த செய்தி உண்மையானதா? என ரசிகர்கள் குழப்பமடைந்தனர்.
இந்நிலையில், தற்போது கிழக்கு வாசல் தொடரில் ஹீரோயினாக நடித்து வரும் ரேஷ்மாவுடன் வெங்கட் ரங்கநாதன் ஷூட்டிங் ஸ்பாட்டில் நிற்கும் புகைப்படங்கள் இணையத்தில் வைரலாகி வருகிறது. ரேஷ்மாவின் பிறந்தநாளை கிழக்கு வாசல் சீரியல் குழுவினர் கேக் வெட்டி கொண்டாடியுள்ளனர். அப்போது எடுக்கப்பட்ட வீடியோ மற்றும் புகைப்படங்கள் தான் கிழக்கு வாசல் தொடரில் வெங்கட் ஹீரோவாக நடிக்கிறார் என்பதை உறுதிசெய்துள்ளது.