கலர்ஸ் தமிழில் ஜமீலா : முதன் முறையாக இஸ்லாமிய பெண்ணின் கதை தொடரானது

ஓடிடி தளங்களில் சினிமா தாராளமாக கிடைப்பதால் பெண்களும் தற்போது ஓடிடி பக்கம் திரும்பிக் கொண்டிருக்கும்போது தொலைக்காட்சி தொடர்கள் நிலைநிறுத்திக் கொள்ள புதிதாக எதையாவது செய்ய வேண்டியது இருக்கிறது. அந்த வரிசையில் தற்போது கலர்ஸ் தமிழ் தொலைக்காட்சி முதன் முறையாக இஸ்லாமிய குடும்ப பின்னணியில் இஸ்லாமிய இளம் பெண்ணின் வாழ்க்கையை தொடராக்கி உள்ளது.

பாடகியாக மாறி சாதனை படைக்க நினைக்கும் இஸ்லாமிய பெண் ஜமீலா தனது குடும்பத்திலும், சமூகத்திலும். இசைத் துறையிலும் சந்திக்கும் பிரச்சினைகள்தான் தொடரின் திரைக்கதை. இதில் ஜமீலாவாக பிரபல நடிகை தன்வி ராவ் நடித்துள்ளார். ரங்பிரங்கி, கன்ஸ் ஆப் பனாரஸ், குலாப் கேங் போன்ற படங்களில் நடித்துள்ளவர் தன்வி ராவ். ஜமீலாவின் தாயாக நடிகை ஐஸ்வர்யா நடிக்கிறார். அக்., 10ம் தேதி ஒளிபரப்பு தொடங்குகிறது. திங்கள் முதல் வெள்ளி வரை இரவு 7 மணிக்கு ஒளிபரப்பாகிறது.