சின்னத்திரையில் ரீ-என்ட்ரி தரும் சோபியா

ஜீ தமிழில் ஒளிபரப்பாகவுள்ள சூப்பர் மாம் சீசன் 3 நிகழ்ச்சிக்கான போட்டியாளர்கள் பட்டியல் தற்போது வெளியிடப்பட்டுள்ளது. இதில் இளம் நடிகை சோபியா மணிகண்டன் தனது மகனுடன் பங்கேற்கிறார். யார் இந்த சோபியா மணிகண்டன்? என நெட்டிசன்கள் நெட்டை துலாவி வந்த நிலையில் அவர் ஐஸ்வர்யா ராஜேஷின் அண்ணி என்ற தகவல் பலரையும் ஆச்சரியப்பட வைத்துள்ளது. தொலைக்காட்சி நடன நிகழ்ச்சியில் டான்சராக முதலில் அறிமுகமானார் சோபியா. இவருக்கும் சீரியல் நடிகர் மணிகண்டனுக்கும் இடையே காதல் மலர, கடந்த 2016ம் ஆண்டு இருவருக்கும் திருமணம் நடந்தது. மணிகண்டன் வெள்ளித்திரை நடிகை ஐஸ்வர்யா ராஜேஷின் அண்ணன் என்பது குறிப்பிடத்தக்கது. இருவரும் ஜோடியாக விஜய் டிவியின் மிஸ்டர் அண்ட் மிசஸ் சின்னத்திரை நிகழ்ச்சியிலும் பங்கேற்று இருந்தனர். இந்நிலையில், அவர் ஜீ தமிழின் சூப்பர் மாம் சீசன் 3 மூலம் மீண்டும் சின்னத்திரையில் மீண்டும் என்ட்ரி கொடுக்கிறார். சோபியா வெள்ளித்திரையிலும் "லெஷ்மி", "கவண்" ஆகிய படங்களில் நடித்துள்ளார்.