சீரியலில் என்ட்ரி கொடுக்கும் மோட்டிவேஷனல் ஸ்பீக்கர்

சமூக கருத்துகளையும், பாசிட்டிவான விஷயங்களையும் டிக்டாக் மூலம் பேசி வந்தவர் சசிலயா. தமிழை உச்சரிக்கும் இவரது ஸ்டைல் பலருக்கும் பிடித்துப்போகவே கொஞ்சம் கொஞ்சமாக மோட்டிவேஷனல் ஸ்பீக்கராக பிரபலமானார். தொடர்ந்து சில யூ-டியூப் சேனல்களிலும் நெறியாளராக பணியாற்றி வருகிறார். சமீபத்தில் பயில்வான் ரெங்கநாதனை புரட்டி எடுத்த இவரது பேட்டி பெரிய அளவில் வைரலானது.

இந்நிலையில், லயா தற்போது சீரியலிலும் நடிகையாக என்ட்ரி கொடுக்கவுள்ளதாக தகவல் வெளியாகியுள்ளது. இதனால் லயாவின் ரசிகர்கள் பலரும் படு குஷியாக உள்ளனர். ஜீ தமிழில் ஒளிபரப்பாகி வரும் "மீனாட்சி பொண்ணுங்க" என்ற புதிய தொடரில் சசிலயா ஹீரோவுக்கு அம்மாவாக ரெங்கநாயகி என்ற கதாபாத்திரத்தில் நடித்து வருகிறார். மிக விரைவில் அவர் நடிக்கும் எபிசோடுகள் ஒளிபரப்பாக உள்ளது. மோட்டிவேஷனல் ஸ்பீக்கராக அதிகம் பிரபலமாகியுள்ள லயா, சீரியலில் நடிகையாக அறிமுகமாகியுள்ள நிலையில் அவர் நடிக்கும் கதாபாத்திரம் எப்படி இருக்கும் என்ற எதிர்பார்ப்பு நேயர்களிடம் எழுந்துள்ளது.