சஞ்சீவ் - சைத்ரா ரெட்டி இணையும் புதிய சீரியல்

குளிர் 100 படத்தில் கதாநாயகனாக நடித்த சஞ்சீவிற்கு நீண்ட இடைவெளிக்கு பின் விஜய் டிவி வாய்ப்பளித்தது. சஞ்சீவ் விஜய் டிவியில் ஒளிபரப்பான ராஜா ராணி சீரியலின் மூலம் சின்னத்திரைக்குள் நுழைந்து பிரபலமானார். தொடர்ந்து விஜய் டிவியின் மற்றொரு சீரியலான காற்றின் மொழி தொடரிலும் நாயகனாக நடித்தார். அந்த தொடருக்கு சரிவர வரவேற்பு கிடைக்காததால் 331 வது எபிசோடிலேயே நிறுத்தப்பட்டது. தற்போது அந்த டிவியில் சில நிகழ்ச்சிகளில் பங்கேற்று வருகிறார்.

இந்நிலையில் மற்றுமொரு முன்னணி டிவி சேனலில் ஒளிபரப்பாகவுள்ள கயல் என்கிற புதிய தொடரில் சஞ்சீவ் கமிட்டாகியுள்ளார். இந்த தொடரில் சஞ்சீவிற்கு ஜோடியாக சைத்ரா ரெட்டி நடிக்கவுள்ளார். சைத்ரா தற்போது ஜி தமிழ், யாரடி நீ மோகினி தொடரில் வில்லி கதாபாத்திரத்தில் கலக்கி வருகிறார்.