ரம்யா கிருஷ்ணன் - வனிதா மோதல் முடிவு என்ன?

பிக்பாஸ் ஜோடிகளுக்கான நடன நிகழ்ச்சி விஜய் டிவியில் ஒளிப்பரப்பாகி வருகிறது. இந்நிகழ்ச்சியின் இந்த வாரத்திற்கான புரோமோ சமீபத்தில் வெளியாகி பெரும் பரபரப்பை ஏற்படுத்தியுள்ளது.

பிக்பாஸ் ஜோடி நிகழ்ச்சியின் இந்த வார புரோமோ வீடியோவில், வனிதாவின் நடனத்தை பார்த்து போட்டியின் நடுவர்களான ரம்யா கிருஷ்ணனும், நகுலும் சில விமர்சனங்களை கூறுகின்றனர். அதைக் கேட்டு ஆத்திரமடையும் வனிதா தன்னை மற்றவர்களுடன் ஒப்பிட்டு விமர்சிக்க வேண்டாம் என்று கூறுகிறார். இதனால் நடுவர்களுக்கும் வனிதாவுக்குமிடையே பிரச்னை எழுகிறது.

புரோமோவின் இறுதியில் வனிதா பிக்பாஸ் ஜோடி நிகழ்ச்சியிலிருந்து வெளியேறுவதாக கூறிவிட்டு வனிதா மேடையை விட்டு இறங்கி செல்கிறார். ரம்யா கிருஷ்ணன் அவரை கோபத்துடன் பார்க்கிறார். உண்மையில் வனிதாவுக்கும் நடுவர்களுக்குமிடையே என்ன நடந்தது என்பதை வரும் 25 ஆம் தேதி ஒளிப்பரப்பாகும் பிக்பாஸ் ஜோடி நிகழ்ச்சியை பார்த்தால் தெரிய வரும்.