ஒரே டிவி வேற வேற சீரியல்! ரீல் டூ ரியல் ஜோடி தொடர்கிறது!

ஒரே சீரியலில் நடித்த ஜோடிகள் சமீபத்தில் வரிசையாக கல்யாணம் செய்து கொண்ட நிலையில், தற்போது ஒரே டிவியில் வேறு வேறு சீரியலில் நடித்த நடிகர்கள் காதலித்து திருமணம் செய்து கொண்டுள்ளனர்.
விஜய் டிவியில் ராஜா ராணி மற்றும் பாரதி கண்ணம்மா ஆகிய இரண்டு தொடர்களுமே மக்கள் மத்தியில் நல்ல வரவேற்பை பெற்ற தொடர்கள். இதில் பாரதி கண்ணம்மா சீரியலில் வில்லி வெண்பாவுக்கு டார்ச்சர் கொடுக்கும் கதாபாத்திரத்தில் நடித்திருந்தார் ப்ரவீன். வில்லியை டார்ச்சர் செய்யும் கேரக்டர் என்பதால் ரசிகர்களுக்கு மிகவும் பேவரைட். அதேபோல் ராஜா ராணி முதல் சீசனில் ஐஸ்வர்யா முக்கிய கதாபாத்திரத்தில் நடித்திருந்தார். ப்ரவீனும், ஐஸ்வர்யாவும் பல நாட்களாக காதலித்து வந்ததாக சொல்லப்படுகிறது. இந்நிலையில் இவர்கள் இருவரும் திடீரென சமீபத்தில் திருமணம் செய்து கொண்டனர். அவர்கள் திருமணத்தில் விஜய் டிவியின் முக்கிய பிரபலங்கள் கலந்து கொண்டு மணமக்களை வாழ்த்தியுள்ளனர். தற்போது அந்த புகைப்படங்கள் இணையத்தில் சுற்றி வருகின்றன.