விஜய் சேதுபதி தந்த பர்த்டே சர்ப்ரைஸ் : வாயடைத்து போன பவித்ரா ஜனனி

சின்னத்திரை நடிகை பவித்ரா ஜனனிக்கு பிரபல நடிகர் விஜய் சேதுபதி பர்த்டே சர்ப்ரைஸ் கொடுத்துள்ள வீடியோ இணையத்தில் வைரலாகி வருகிறது. விஜய் டிவி நடிகையான பவித்ரா ஜனனி இளைஞர்கள் மத்தியில் மிகவும் பிரபலமான நடிகையாவார். தற்போது "தென்றல் வந்து என்னை தொடும்" தொடரில் நடித்து வருகிறார். வருகிற ஜனவரி 30ம் தேதி பவித்ராவுக்கு பிறந்தநாள் வருகிறது. இதனை முன்னிட்டு அவரது நண்பர்கள் சியாமந்தா கிரண் மற்றும் ரியோ ராஜ் ஒரு சூப்பரான சர்ப்ரைஸை கொடுத்துள்ளனர். பவித்ராவுக்கு மிகவும் பிடித்த நடிகரான விஜய் சேதுபதியின் வீட்டுக்கு கண்ணை கட்டி அழைத்துச் சென்று அவரை சந்திக்க வைத்துள்ளனர். விஜய்சேதுபதியை பார்த்த பவித்ரா ஒருநிமிடம் வாயடைத்து போய் நிற்கிறார். விஜய் சேதுபதி பவித்ராவை அழைத்து கைகுலுக்கி பிறந்தநாள் வாழ்த்துகள் சொல்கிறார். இந்த வீடியோவை தனது இன்ஸ்டாவில் பகிர்ந்துள்ள பவித்ரா மறக்கமுடியாத பிறந்தநாள் பரிசு என நெகிழ்ச்சியாக பதிவிட்டுள்ளார்.