அக்கா - தங்கை சென்டிமெண்ட் டிராக்கில் வெளியாகும் புது சீரியல்

விஜய் டிவி ரசிகர்கள் நீண்ட நாட்களாக எதிர்பார்த்துக் கொண்டிருந்த "சிப்பிக்குள் முத்து" சீரியல் விரைவில் வெளியாகவுள்ளது. அதற்கு முன்னோட்டமாக அந்த தொடரின் புரோமோ சமீபத்தில் வெளியாகி இணையத்தில் உலா வருகிறது. இந்த தொடரின் நடிகர், நடிகைகள் குறித்த தகவல் சில தினங்களுக்கு முன் வெளியாகி இருந்த நிலையில், சீரியலின் ப்ரோமோ கதையின் ஒன்லைனை சொல்கிறது. இந்த ப்ரோமோ வுக்கு பரவலாக கருத்துகள் வந்த வண்ணம் உள்ளது.

எனினும், பலர் சீரியலில் வரும் தங்கை கதாபாத்திரத்தை சேடிஸ்ட் கதாபாத்திரம் என இப்போதே திட்ட ஆரம்பித்துவிட்டனர். காரணம் தனது காதல் வாழ்க்கைக்காக அக்காவின் சுய விருப்பத்தை பற்றி கவலைப்படாமல் மனநலம் பாதிக்கப்பட்ட ஒருவரை திருமணம் செய்ய நிர்பந்திக்கிறாள் தங்கை. டேக்லைனில் என்ன தான் சகோதரிகளின் பாச கதை என்று போட்டிருந்தாலும் பின்னாட்களில் அக்காவிற்கு எதிராக தங்கை மனம் மாறுவது உறுதி. கிட்டத்தட்ட காவ்யாஞ்சலி ஸ்டைலில் அமைதியான அக்கா, அடாவடியான தங்கை என கதையமைப்பு உள்ளதாக பலரும் கருத்து தெரிவித்துள்ளனர்.