அன்னம் தொடரில் என்ட்ரி கொடுக்கும் திவ்யா கணேஷ்

தமிழகத்தின் ராமநாதபுரம் மாவட்டத்தை சேர்ந்த திவ்யா கணேஷ், சின்னத்திரையில் தற்போது பிரபலமான நடிகையாக இருந்து வருகிறார். சுமங்கலி, கேளடி கண்மணி, லட்சுமி வந்தாச்சு சீரியல்களை தொடர்ந்து பாக்கியலட்சுமியின் ஜெனி கதாபாத்திரம் இவருக்கு நல்லதொரு பெயரை ரசிகர்கள் மத்தியில் பெற்று தந்தது.

இந்நிலையில், திவ்யா கணேஷ் புதிதாக ஒளிபரப்பாக உள்ள அன்னம் என்ற தொடரில் முக்கிய கதாபாத்திரத்தில் நடித்து வருகிறார். ஒருபுறம் பாக்கியலட்சுமி தொடர் முடிவுக்கு வர உள்ளதாக செய்திகள் வெளியாகி வரும் நிலையில் திவ்யா கணேஷ் வேறொரு டிவி தொடருக்கு தாவியுள்ளார். அதுமட்டுமில்லாமல் பாக்கியலட்சுமி தொடரில் பாட்டி கதாபாத்திரத்தில் நடித்த ராஜலெட்சுமியும் அன்னம் தொடரில் இணைந்துள்ளார் என்பது குறிப்பிடத்தக்கது.