பிரித்விராஜுக்கு ஒன்றரை லட்சம் ரூபாய் கூலிங் கிளாஸ் பரிசாக தந்த மோகன்லால்

மலையாள திரையுலகில் முன்னணி நடிகர்களில் ஒருவான பிரித்விராஜ் கடந்த இரண்டு வருடங்களுக்கு முன்பு லூசிபர் என்கிற படத்தின் மூலம் வெற்றிகரமான இயக்குனராகவும் மாறினார். முதல் படத்திலேயே மோகன்லாலை வைத்து இயக்கி 200 கோடி வசூலித்த முதல் மலையாள படம் என்கிற பெருமையும் அவருக்கு பெற்று தந்தார். அதை தொடர்ந்து அந்த படத்தின் இரண்டாம் பாகத்தையும் இயக்குவதற்கு தயாராகி வந்த பிரித்விராஜ் அதற்கு முன்னதாக மோகன்லாலை வைத்தே ப்ரோ டாடி என்கிற முழு நீள காமெடி படத்தையும் இயக்கி முடித்து விட்டார்.

சமீபத்தில் இந்த படத்தின் படப்பிடிப்பு முடிவடைந்த போது முழு திருப்தியடைந்த மோகன்லால் பிரித்விராஜை பாராட்டும் விதமாக அவருக்கு ஒரு கூலிங் கிளாஸ் பரிசளித்து ஆச்சர்யப்படுத்தி உள்ளார். அதன் தற்போதைய மார்க்கெட் விலை ஒன்றரை லட்சம் ரூபாயாம். மோகன்லாலின் இந்த பரிசை பெருமிதத்துடன் தனது சோசியல் மீடியா பக்கத்தில் பகிர்ந்து கொண்டுள்ளார் பிரித்விராஜ்.