மலையாளத்தில் அறிமுகமாகும் ஆஸ்கர் விருது பட கொரிய நடிகை

கடந்த 2019ல் கொரிய மொழியில் வெளியான படம் பாரசைட். இந்த படம் 2020ல் ஆஸ்கர் விருது போட்டியில் கலந்துகொண்டு நான்கு விருதுகளை கைப்பற்றியது. இந்த படத்தில் கதாநாயகிகளில் ஒருவராக நடித்திருந்தவர் நடிகை ஜாங் ஹை ஜின். கிட்டத்தட்ட 20 வருடங்களாக தென் கொரிய மொழி படங்களில் நடித்து வரும் இவர் தற்போது மலையாளத்தில் உருவாக இருக்கும் புதிய படம் ஒன்றில் நடிக்க இருக்கிறார்.

இது மலையாளம் மற்றும் கொரியா என இரண்டு மொழிகளில் ஒரே நேரத்தில் காமெடி கலந்த ஹாரர் படமாக உருவாக இருக்கிறது. இந்த படத்தை சஞ்சீவ் சிவன் இயக்குகிறார், இவர் பிரபல ஒளிப்பதிவாளர்கள் சந்தோஷ் சிவன் மற்றும் சங்கீத் சிவன் ஆகியோரின் சகோதரர் ஆவார். இவர் மம்முட்டியை வைத்து அபராசித்தன் படத்தை இயக்கியவர்.