![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
திரையரங்கு உரிமையாளர்கள் பிரச்னையில் சுமூக உடன்பாடு : பேட்ரியாட் ரிலீஸ் சிக்கல் தீர்ந்தது
ஏப் 17, 2026
Advertisement
மலையாளத்தில் மோகன்லால், மம்முட்டி, பஹத் பாசில், குஞ்சாக்கோ போபன், நயன்தாரா என கலர்புல்லான நட்சத்திரங்கள் இணைந்து நடித்திருக்கும் படம் பேட்ரியாட். ராணுவ பின்னணியில் உருவாகி இருக்கும் இந்த படத்தை மகேஷ் நாராயணன் இயக்கியுள்ளார். இந்த படம் வரும் மே 1ம் தேதி வெளியாக இருக்கிறது. இந்த நிலையில் கடந்த சில தினங்களுக்கு முன்பு இந்த படத்தின் முதல் இரண்டு வார வசூல் தொகையில் பங்கு சதவீதம் குறித்து படத்தின் தயாரிப்பாளர் ஆண்டோ ஜோசப் மற்றும் திரையரங்கு உரிமையாளர்கள், விநியோகஸ்தர்கள் கூட்டமைப்பிற்கு இடையே சிக்கல் ஏற்பட்டது. இதனைத் தொடர்ந்து பேட்ரியாட் படத்தை நாங்கள் திரையிட மாட்டோம் என திரையரங்க உரிமையாளர்கள் போர்க்கொடி தூக்கினார்கள்.
அதாவது தற்போதுள்ள நடைமுறைப்படி முதல் வாரம் தயாரிப்பாளருக்கு 60% விநியோகஸ்தர்களுக்கு 40%, இரண்டாவாரம் 55-45 மூன்றாவது வாரம் 50-50 என்கிற விகிதத்தில் தான் வசூல் தொகை பகிரப்படுகிறது. இதில் இரண்டாவது வாரமும் 60-40 என்கிற விகிதத்திலேயே கொடுக்கும்படி தயாரிப்பாளர் வலியுறுத்தியதால்தான் இந்த பிரச்சனை ஏற்பட்டது. தற்போது தயாரிப்பாளர் பழைய நடைமுறை வசூல் விகிதத்திற்கே ஒப்புக்கொண்டதால் சுமூக உடன்பாடு எட்டப்பட்டு பேட்ரியாட் திரைப்படம் வரும் மே 1ஆம் தேதி வெளியாவதில் உள்ள சிக்கல் தீர்க்கப்பட்டுள்ளது.
அதாவது தற்போதுள்ள நடைமுறைப்படி முதல் வாரம் தயாரிப்பாளருக்கு 60% விநியோகஸ்தர்களுக்கு 40%, இரண்டாவாரம் 55-45 மூன்றாவது வாரம் 50-50 என்கிற விகிதத்தில் தான் வசூல் தொகை பகிரப்படுகிறது. இதில் இரண்டாவது வாரமும் 60-40 என்கிற விகிதத்திலேயே கொடுக்கும்படி தயாரிப்பாளர் வலியுறுத்தியதால்தான் இந்த பிரச்சனை ஏற்பட்டது. தற்போது தயாரிப்பாளர் பழைய நடைமுறை வசூல் விகிதத்திற்கே ஒப்புக்கொண்டதால் சுமூக உடன்பாடு எட்டப்பட்டு பேட்ரியாட் திரைப்படம் வரும் மே 1ஆம் தேதி வெளியாவதில் உள்ள சிக்கல் தீர்க்கப்பட்டுள்ளது.
வாசகர்கள் கருத்துகள்
முதல் நபராக கருத்து தெரிவியுங்கள்!