அதிரடி போலீஸ் அதிகாரியாக நடிக்கும் ஷேன் நிகம்

மலையாள திரையுலகில் வளர்ந்து வரும் இளம் நடிகர் ஷேன் நிகம். 2023ல் மலையாளத்தில் வெளியான ஆர்டிஎக்ஸ் படத்தின் வெற்றி மூலம் ரசிகர்களிடம் பிரபலமானாலும் கூட சில படங்களில் தயாரிப்பாளர்களுடன் இயக்குனர்களுடன் ஏற்பட்ட சர்ச்சை காரணமாகவும் இவர் பிரபலமானவர் என்பது குறிப்பிடத்தக்கது. தமிழில் ‛மெட்ராஸ்காரன்" என்கிற படத்தில் நடித்துள்ள இவர் தற்போது மலையாளத்தில் த்ரிதம் என்கிற படத்தில் கதாநாயகனாக நடித்துள்ளார். இந்த படத்தில் ஒரு போலீஸ் சப்-இன்ஸ்பெக்டர் கதாபாத்திரத்தில் நடித்திருக்கிறார் ஷேன் நிகம்.

மார்ட்டின் ஜோசப் என்பவர் இந்த படத்தை இயக்கியுள்ளார். இதை இயக்குனர் ஜீத்து ஜோசப் வெளியிடுகிறார். இதற்கு முன்னதாக கொரோனா பேப்பர்ஸ் மற்றும் வேல ஆகிய படங்களில் போலீஸ் கதாபாத்திரங்களை ஏற்று இவர் நடித்திருந்தாலும் இந்தப் படத்தில் முற்றிலும் மாறுபட்ட ஒரு அதிரடி போலீஸ் அதிகாரியாக நடித்துள்ளார் ஷேன் நிகம். சமீபத்தில் வெளியான இந்த படத்தின் டிரைலரை பார்க்கும்போது நிச்சயம் இந்த படம் அவரை அடுத்த கட்டத்திற்கு நகர்த்திச் செல்லும் என்பது தெரிகிறது.